У Гродзенскім заапарку гэтай вясной зноў папаўненне — нарадзілася ўжо трэцяе дзіцяня муфлона. Нованароджаны — самец, якога назвалі Улун.
Скрыншот з відэа
Бацькамі маленькага муфлончыка сталі самец па мянушцы Крош і самка Муфта. Гэта ўжо трэці малы ад Кроша за апошні час.
Раней у заапарку з’явіліся яшчэ два муфлоны — абедзве самкі. Першую назвалі Кола (яе маці — Рыва), другую — Мока (яе маці — Каркадэ).
Звычайна муфлоны прыносяць патомства ў красавіку, і часцей за ўсё ў самкі нараджаецца толькі адно ягня. Двайняты здараюцца вельмі рэдка.
Муфлоны — гэта адзіныя дзікія бараны, якія жывуць у Еўропе. Пасля нараджэння малых у Гродзенскім заапарку цяпер восем гэтых жывёл.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары