У Люблінскім ваяводстве Польшчы ідзе барацьба з маштабным лясным пажарам: агонь ахапіў каля 250 гектараў лесу. Ратавальнікам удалося спыніць далейшае распаўсюджванне полымя, але вялікімі коштам. На пажары разбіўся самалёт M18 Dromader, у выніку якога загінуў дасведчаны пілот, піша RMF24.
У раёне населенага пункта Казакі (Білгарайскі павет) другія суткі працягваецца барацьба з разбуральным лясным пажарам. Агонь ахапіў 250 гектараў лесу.
Na terenie trzech powiatów województwa lubelskiego trwa intensywna akcja gaśnicza związana z rozległym pożarem lasu. Ogień objął już obszar ponad 100 hektarów. W działaniach uczestniczy ponad 80 zastępów Państwowej i Ochotniczej Straży Pożarnej. pic.twitter.com/6HxuSUbcW4
Падчас выканання чарговага вылету на тушэнне разбіўся спецыялізаваны самалёт M18 Dromader. У выніку крушэння загінуў вопытны пілот. Міністр унутраных спраў Польшчы Марцін Кервінскі пацвердзіў гібель лётчыка, адзначыўшы яго высокі прафесіяналізм.
Пажар класіфікуецца як «верхавінны» — агонь перакідаецца па кронах дрэў, што робіць яго асабліва небяспечным і цяжкадаступным для наземных службаў.
На месцы працуюць каля 500 пажарных і 48 адзінак тэхнікі. Чакаецца прыбыццё яшчэ 60 экіпажаў з суседніх рэгіёнаў.
Да тушэння прыцягнуты верталёты Black Hawk, самалёты лясной гаспадаркі і дроны для разведкі. Да аперацыі далучыліся салдаты войскаў тэрытарыяльнай абароны.
Улады паведамляюць, што на дадзены момант агонь удалося спыніць — ён больш не распаўсюджваецца, хоць фронт пажару застаецца актыўным. Найбліжэйшыя жылыя дамы знаходзяцца прыкладна за 6 км ад агню.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары