Аляксандр Лукашэнка лічыць, што прафсаюзы сур’ёзна недапрацоўваюць у пытаннях аховы працы і скарачэння выпадкаў вытворчага траўматызму. Аб гэтым кіраўнік дзяржавы заявіў сёння на VI з’ездзе Федэрацыі прафсаюзаў Беларусі.
«Мы шмат гаворым аб высокіх матэрыях, інавацыях. Але часам маўчым аб тым, што адной з асноўных прычын гібелі людзей у нашай краіне застаецца вытворчы траўматызм. Лічу, у ХХІ стагоддзі такая сітуацыя выглядае проста абсурдам», — сказаў кіраўнік дзяржавы.
Толькі за 8 месяцаў гэтага года ў выніку няшчасных выпадкаў на вытворчасці загінула 152 чалавекі і каля 500 траўміраваны. Часта гібель людзей абумоўлена знаходжаннем іх на рабоце ў стане алкагольнага ап’янення.
Лукашэнка лічыць, што, як правіла, роля прафсаюзных арганізацый зводзіцца да фіксацыі фактаў, а мэтанакіраваная работа па выяўленню і ўстараненню прычын, якія іх спараджаюць, адсутнічае.
Прафсаюзы ні ў якім выпадку не павінны займацца папулізмам
Аляксандр Лукашэнка лічыць, што прафсаюзы ні ў якім выпадку не павінны займацца папулізмам.
«Па сваёй прыродзе прафсаюзы прызначаны выконваць шмат функцый, часам дыяметральна процілеглых, — сказаў Аляксандр Лукашэнка. — З аднаго боку, трэба дабівацца задавальнення ўсіх патрэбнасцей работнікаў. З другога, з наймальнікам павінны быць выбудаваны канструктыўныя, я нават сказаў бы, дыпламатычныя адносіны, каб знаходзіць аптымальныя шляхі вырашэння праблем, пры неабходнасці — ісці на кампраміс. І самае галоўнае, узнімаючы тое ці іншае пытанне, вы павінны рэальна ацэньваць эканамічную сітуацыю ў краіне. І ні ў якім выпадку не займацца папулізмам».
«Мы ўжо такое ў нашай гісторыі праходзілі, — сказаў кіраўнік дзяржавы. — Тады дзейнасць прафсаюзаў не мела нічога агульнага з рэальнай абаронай правоў рабочага чалавека, а была накіравана за задавальненне інтарэсаў вярхушкі арганізацыі».-0-
Цяпер чытаюць
Хто забараняе ў Беларусі кнігі — вось гэтыя 22 чалавекі26
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары