Ministerstva infarmacyi nie zarehistravała ŭzhodnienaj va ŭsich instancyjach nazvy «BDH. Diełovaja hazieta». Ministar Uładzimier Rusakievič zahadaŭ vydaŭcu hazety Piatru Marcavu patłumačyć, što značyć «B» u abrevijatury.
Marcaŭ skazaŭ, što «bolšaja». Rusakievič zahadaŭ pierapisać dakumenty, rasšyfravaŭšy abrevijaturu ŭ dužkach. Marcaŭ admoviŭsia, spasłaŭšysia na toje, što ciaham troch miesiacaŭ nazva ŭzhadniałasia j narešcie była zaćvierdžanaja Mienharvykankamam, a taksama byli ŭniesienyja źmieny ŭ statut pradpryjemstva «Marat». Ciapier ža treba pierarablać i pierapadavać usie dakumenty nanoŭ. Rusakievič paabiacaŭ, što naciśnie na kaho treba, kab usie źmieny ŭnieśli za adzin dzień, skazaŭ, što atrymaŭ na toje zhodu namieśnika kiraŭnika administracyi prezydenta Aleha Pralaskoŭskaha. Marcaŭ nie pavieryŭ. I pravilna zrabiŭ, bo čynoŭniki padmanvali jaho za 13 z pałovaj hadoŭ, što isnavała hazeta, tysiačy razoŭ. Škada. Dobraja była hazeta. A viedajučy Marcava, upeŭnienyja, što hazeta budzie isnavać i nadalej. Pakul — u Internecie.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?49
Kamientary