Lidar moładzievaha kryła «Zmiena» kampanii «Havary praŭdu!» Pavied Vinahradaŭ asudžany siońnia sudom Pieršamajskaha rajona na 5 sutak administracyjnaha aryštu.Na volu jon vyjdzie ranicaj 22 śniežnia. Pra heta ŭ svaim akaŭncie ŭ fejsbuku paviedamiŭ lidar «Havary praŭdu» Andrej Dźmitryjeŭ.
Nahadajem, što «Zmiena» praviała 10 śniežnia kala Nacyjanalnaj biblijateki čarhovuju akcyju ź sieryi «Cacki pratestujuć», ranicaj 12 śniežnia Pavieł byŭ zatrymany supracoŭnikami Pieršamajskaha RUUS, ale adpuščany da suda.
Andrej Dźmitryjeŭ nahadvaje, što heta dziasiaty z pačatku hoda administracyjny sud nad byłym paliviaźniem. Usiaho z pačatku hoda na Akreścina Pavieł pravioŭ 61 dzień, ciapier dadajucca jašče piać dzion.
- Pavieł Vinahradaŭ byŭ zatrymany 19 śniežnia 2010 h. 11 studzienia 2011 jamu było pradjaŭlena abvinavačvańnie pa čč. 1 i 2 art. 293 KK. Kančatkovaje abvinavačvańnie — pa č. 2 art. 293 i art. 370 (ździek ź dziaržaŭnych simvałaŭ). Znachodziŭsia pad vartaj u SIZA № 1 na vuł. Vaładarskaha. 5 maja 2011 h. byŭ asudžany pa č. 2 art. 293 KK da 4 hadoŭ pazbaŭleńnia voli ŭ kałonii ŭzmocnienaha režymu. Vyzvaleny 14 vieraśnia 2011 h. Aktyŭnaj hramadskaj dziejnaści nie spyniŭ
Film Volhi Mikałajčyk pra Paŭła
Kamientary