Z takoj prapanovaj vystupiła Ministerstva finansaŭ Biełarusi.
U 2,4–3 razy mohuć vyraści ŭ 2014 hodzie staŭki akcyzaŭ na aŭtamabilnaje paliva. Prapanova rezka pavialičyć akcyzy ŭtrymlivajecca ŭ raspracavanym Minfinam prajekcie zakona ab uniasieńni źmianieńniaŭ i dapaŭnieńniaŭ u Padatkovy kodeks.
Pavyšeńnie stavak płanujecca ŭ dva etapy: u pieršym paŭhodździ akcyzy na bienzin pavinnyja ŭzraści na 45% u paraŭnańni ź ciapierašnimi, u druhim — jašče na 65,5% (usiaho ŭ 2,4 razy). Akcyz na dyzpaliva pavinien padvysicca na 70% u pieršym paŭhodździ i na 76,5% — u druhim (usiaho ŭ 3 razy).
U absalutnym vyražeńni za tonu bienzinu z aktanavym likam bolš za 95 treba budzie zapłacić akcyz 1 785 700 rubloŭ u pieršym paŭhodździ i 2 955 600 — u druhim (ciapier staŭka roŭnaja 1 231 500), z aktanavym likam ad 91 da 95 — adpaviedna 2 238 800 i 3 705 600 (1 544 000), da 91 — 2 539 100 i 4 202 600 (1 751 100), za tonu dyzpaliva — 1 686 100 i 2 975 400 (991.800).
Staŭki akcyzaŭ na bijadyzielnaje paliva (u prajekcie novaj redakcyi Padatkovaha kodeksa jano nazyvajecca dyzielnym palivam ź mietyłavych efiraŭ tłustych kisłot), a taksama haz i matornyja masły, što vykarystoŭvajucca ŭ jakaści aŭtamabilnaha paliva, prapanujecca padniać na 10%, što adpaviadaje čakanamu ŭradam uzroŭniu inflacyi ŭ 2013 hodzie.
Ciapier čytajuć
Siarhiej Cichanoŭski pierabraŭsia žyć u Łos-Andželes57
Kamientary