Biełaruskija spartsmieny na čempijanacie śvietu pa tajłandskim boksie, finalnyja pajadynki jakoha zaviaršylisia 9 maja na vostravie Łanhkavi (Małajzija), zavajavali 12 załatych, šeść siarebranych i try bronzavyja miedali.
U ciapierašnim suśvietnym forumie ŭdzielničali amal 2.000 spartsmienaŭ z 105 krain. U kamandnym zaliku darosłaja kamanda Biełarusi stała druhoj, a junijory — pieršymi, paviedamlaje pres-słužba Biełaruskaj fiederacyi kikboksinhu i tajłandskaha boksu (BFKiTB).
Jak adznačyŭ vykanaŭčy dyrektar BFKiTB Andrej Kazłoŭski, biełarusy čarhovy raz dakazali, što ajčynnaja škoła tajskaha boksa — adna z najmacniejšych na płaniecie.
Na rachunku darosłych spartsmienaŭ čatyry załatyja, piać siarebranych i try bronzavyja ŭznaharody. U kamandnym zaliku biełaruskija bajcy ŭstupili tolki zbornaj Tajłanda, treciaje i čaćviortaje miesca adpaviedna zastałosia za Ukrainaj i Rasijaj.
Zołata ŭ skarbonku zbornaj pakłali znakamityja bajcy, jakija ŭžo nie adzin raz demanstravali, što ŭ śviecie im amal niama roŭnych. Heta Andrej Kulebin (67 kh, spartyŭny kłub «Kik Fajtar»), Dźmitryj Valent (75 kh, SK «Kik Fajtar»), Dzianis Hančaronak (91 kh, SK «Patryjot») i Alaksiej Kudzin (91 kh, SDIUŠAR Maładziečna).
Siarebranymi pryziorami pieršynstva śvietu stali dvoje biełaruskich chłopcaŭ i try dziaŭčyny: Murat Azierbijeŭ (60 kh, SK «Mops»); Dźmitryj Varac (63,5 kh, «Bułat»); Alona Laškievič (45 kh, «Mops»), Maryja Valent (60 kh, «Patryjot»), Maryja Biełuš (75 kh, «Kik Fajtar»). Bronza na rachunku Siarhieja Skiby (51 kh, SK «Alimp»), Andreja Zajca (57 kh, «Kik Fajtar») i Arcioma Sasnoŭskaha (86 kh, «Tołtak»).
Biełaruskija junijory zavajavali vosiem załatych i adnu siarebranuju ŭznaharodu. Zołata zavajavali: Michaił Piatroŭski (45kh, SK «Śvietahor»); Vałdas Bialaŭski (48 kh, «Čynuk»); Mikałaj Śviadomski (51kh, SDIUŠAR Mścisłava); Raman Doŭnar (60kh, Golden victory); Mikita Šostak (63,5kh, Bułat), Žora Akapian (67kh, SDIUŠAR Połacka), Vadzim Vaśkoŭ (71kh,»Čynuk»), Taćciana Cierašonak (54kh, «Śvietahor»). Sierabro va Uładzisłava Nikicina (75kh, SDIUŠAR Połacka).
Akramia taho, Andrej Kulebin pryznany lepšym bajcom čempijanatu śvietu. U pieršym raŭndzie paŭfinału biełaruski spartsmien nakaŭtavaŭ svajho sapiernika z Tajłanda.
Paśla viartańnia z Małajzii Kulebin pačnie padrychtoŭku da turniru-čaćviorki Grand Prix Russia Open, jaki projdzie ŭ Nižnim Noŭharadzie 22 maja.
Kamientary