Adrazu dva mahutnyja społachi kłasa Ch adbylisia na Soncy. U piatnicu 13 červienia na Ziamli čakajecca mocnaja mahnitnaja bura, paviedamlajuć amierykanskija navukoŭcy.
Kłas Ch aznačaje najvyšejšuju pikavuju intensiŭnaść renthienaŭskaha vypramieńvańnia. Toje, što na Sonca adbylisia adrazu dva mahutnyja vykidy karanarnaj masy, — redkaja źjava. Pieršaja ŭspyška była adniesiena da kłasa X2.2, druhaja - da X1.5.
Prahnazujecca, što asnoŭny vykid karanarnaj masy projdzie mima našaj płaniety, adnak častka jaho ŭsio ž dabiarecca da Ziamli 13 červienia, vyklikaŭšy mahnitnuju buru.
Soniečnyja ŭspyški možna padzialić na piać asnoŭnych kłasaŭ: A, B, C, M i X u zaležnaści ad vieličyni renthienaŭskaha vypramieńvańnia. Zaraz navukoŭcy nazirajuć samuju vysokuju soniečnuju aktyŭnaść za apošniuju tysiaču hadoŭ. Na Ziamli takija źjavy niebiaśpiečnyja, naprykład, dla linij elektrapieradač, hazapravodaŭ, u halinie mocnych elektratoki. Padčas mahnitnych bur lekary papiaredžvajuć ab mahčymym paharšeńni samaadčuvańnia i rajać ludziam nadać uvahu svajmu zdaroŭju. Nielha pieratamlacca, nie varta niedasypać.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary