U Hrodnie vybieruć novaje miesca dla muzieja Vasila Bykava. Daručeńnie padtrymać hramadskuju inicyjatyvu siońnia ŭ čas asabistaha pryjomu hramadzian daŭ staršynia Hrodzienskaha abłvykankama Uładzimir Kraŭcoŭ.
Na pryjom da staršyni pryjšli pradstaŭniki hramadskaści z prośbaj padtrymać ideju ab vydzialeńni asobnaha budynka dla muzieja imia V.Bykava i nadańnia jamu statusu dziaržaŭnaha.
Siońnia ŭ Hrodnie dziejničaje nievialiki muziej na hramadskich pačatkach. Jaho stvaryli aktyvisty Hrodzienskaha haradskoha hramadskaha abjadnańnia vieteranaŭ vajny, pracy i Uzbrojenych Sił. Heta nievialiki pakoj u ofisnym budynku pa vuł.Savieckaja, jaki nie prystasavany dla naviedvańnia ekskursijnymi hrupami.
U toj ža čas u horadzie nad Niomanam piśmieńnik pravioŭ 25 hadoŭ žyćcia i napisaŭ «Alpijskuju baładu», «Žuraŭliny kryk» i mnohija inšyja viadomyja tvory, tamu tut łahična papularyzavać asobu piśmieńnika. Tym bolš što ŭ Hrodnie zachavany ceły pakoj ekspanataŭ dla muzieja, pačynajučy ad rukapisaŭ, zaviaršajučy pradmietami ŭžytku Bykava. U realizacyi idei hatovy taksama pryniać udzieł syn i rodnyja narodnaha piśmieńnika.
Na dumku inicyjataraŭ, taki litaraturny muziej pry naležnym padychodzie stanie hramadskim zdabytkam i jašče adnoj admietnaj miaścinaj horada, zrabiŭšy bolš raznastajnaj turystyčnuju prahramu.
Vładzimir Kraŭcoŭ padtrymaŭ ideju ab papularyzacyi muzieja słavutaha piśmieńnika. Najlepšym rašeńniem, na dumku pradstaŭnikoŭ hramadskaści, było b vydzialeńnie dla hetych met asobnaha pamiaškańnia. Kraŭcoŭ daŭ daručeńni vyvučyć muziejnuju kalekcyju, a taksama prapracavać usie mahčymyja varyjanty dla raźmiaščeńnia muzieja i formu jaho dalejšaha isnavańnia.
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Kamientary