Urad pastanovaj № 1277 ad 31 śniežnia 2014 hoda vyznačyŭ pieralik rajonaŭ Biełarusi, jakija adnosiacca da niespryjalnych dla vytvorčaści sielskahaspadarčaj pradukcyi.
«Heta hradacyja nieabchodna dla acenki efiektyŭnaści sielhasvytvorčaści roznych rehijonaŭ i farmiravańnia pryncypaŭ raźmierkavańnia i akazańnia dziaržaŭnaj padtrymki subjektam APK», — prakamientavali dakumient u pres-słužbie Ministerstva sielskaj haspadarki i charčavańnia.
Jak adznačyli ŭ Minsielhascharčy, «u miežach realizacyi płana mier pa farmiravańni ŭzhodnienaj ahrapramysłovaj palityki krain — členaŭ JEAES i prymajučy da ŭvahi praviły mižnarodnaha handlu, uźnikaje nieabchodnaść u Biełarusi ŭdaskanalvańnia i harmanizacyi nacyjanalnaha zakanadaŭstva z ulikam suśvietnych tendencyj i mižnarodnaha vopytu. Arhanizacyi krainy, jakija ažyćciaŭlajuć dziejnaść u halinie APK, abjektyŭna znachodziacca ŭ roznych umovach haspadarańnia, źviazanych z pryrodna-klimatyčnymi, hlebavymi, ekałahičnymi i sacyjalna-ekanamičnymi pakazčykami. Usie nazvanyja faktary nie dazvalajuć im zabiaśpiečvać roŭnuju dachodnaść ad haspadarčaj dziejnaści».
U hetych metach uradam pryniata rašeńnie, jakim vyznačany kryteryi, što ŭpłyvajuć na dachodnaść sielhasvytvorcaŭ, u zaležnaści ad rehijonu, na terytoryi jakoha arhanizavana sielskahaspadarčaja vytvorčaść. Tamu tyja rehijony, u jakich viadzieńnie sielhasvytvorčaści źjaŭlajecca bolš zatratnym (biednyja ziemli, mienš doŭhi viehietacyjny pieryjad, mocnyja marazy biez najaŭnaści śniežnaha pokryva zimoj, ranišnija zamarazki viasnoj, zaliŭnyja daždžy i zasucha letam i h.d.), u metach vyraŭnoŭvańnia ŭmoŭ haspadarańnia i dachodnaści mohuć pretendavać na atrymańnie dziaržaŭnaj padtrymki ŭ pavyšanych pamierach. I heta ahulnapryniataja mižnarodnaja praktyka, adznačyli ŭ pres-słužbie.
U adpaviednaści z pahadnieńniem pa sielskaj haspadarcy ŭ miežach JEAES i pryncypami SHA, «niespryjalny rehijon pavinien ujaŭlać saboj dakładna abaznačanuju hieahrafičnuju zonu, mieć peŭnyja ekanamičnyja i administracyjnyja prykmiety i razhladacca jak niespryjalny na asnovie niejtralnych i abjektyŭnych kryteryjaŭ, dakładna vykładzienych u zakonie abo narmatyŭnym akcie, jakija śviedčać ab tym, što ciažkaści hetaha rehijonu sparodžany bolš surjoznymi pryčynami, čym prosta časovyja akaličnaści».
U pieralik uklučany 62 rajony. Bolš za ŭsio niespryjalnych dla sielskahaspadarčych rabot rajonaŭ u Viciebskaj i Homielskaj abłaściach (pa 18), Mahiloŭskaj (10). U śpis taksama ŭvajšli: Biarezinski, Vałožynski, Krupski, Łahojski, Miadzielski, Staradarožski rajony Minskaj vobłaści; Dziatłaŭski, Iŭjeŭski, Śvisłacki rajony Hrodzienskaj vobłaści; Hancavicki, Drahičynski, Ivanaŭski, Łuniniecki, Małarycki, Pinski, Stolinski rajony Bresckaj vobłaści.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary