Amierykanka zdała jak śmiećcie pieršy kampjutar Apple
Inšyja pradali jaho za 200 tysiač dalaraŭ — ciapier šukajuć haspadyniu, kab padzialicca prybytkam.
Centr pierapracoŭki elektronnych adkidaŭ Clean Bay Area u Maŭncin-Vju, Kalifornija, ZŠA atrymaŭ u jakaści śmiećcia Apple I, adzin z 50 pieršych kampjutaraŭ siońniašniaha IT-hihanta, paviedamlaje miascovaja hazieta San Jose Mercury News.
Apple I nie padobny da sučasnych kampjutaraŭ: jaho źbirali litaralna na kalenkach u haražy, a pradavali ŭ vyhladzie adnoj płaty, da jakoj treba było samastojna dadać korpus, manitor, kłavijaturu i błok siłkavańnia.
Kampanija pradała aparat kalekcyjanieru za 200 tysiač dalaraŭ (na starcie prodažaŭ u 1976 hodzie taki kaštavaŭ 666 dalaraŭ). Žančynu, jakaja zdała «śmiećcie» ŭ zakrytaj karobcy i nie pakinuła svajho imia, šukajuć, kab vydać joj prynamsi pałovu atrymanaj sumy. Kažuć, žančyna navodziła paradak doma paśla śmierci muža.
Apple I byŭ adnym ź pieršych u śviecie piersanalnym kampjutaraŭ, što pradavaŭsia ŭ praktyčna sabranym vyhladzie (dahetul karystalnikam treba było źbirać niaprosty «kanstruktar»). Taki kampjutar u rabočym stanie ŭ 2014 hodzie pradali na aŭkcyjonie za 905 tysiač dalaraŭ.
Paśla taho, jak zasnavalniki Apple pierakanalisia ŭ cikaŭnaści da ich praduktu, u 1977 hodzie byŭ pradstaŭleny Apple II — užo ŭ płastykavym korpusie z kłavijaturaj. Jon byŭ vyrableny ŭ kolkaści 5-6 młn asobnikaŭ i staŭ adnym z najbolš papularnych kampjutaraŭ svajho času. Madyfikacyi Apple II vyrablalisia da 1990-ch.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary