Biełarusy pieranieśli hałahramy z kołaŭ rovaraŭ u pavietra
Vyjavy zakidvajucca na «vientylatar» choć sa smartfona, navat u realnym časie.
Technałohija kampanii Kino-mo, zasnavanaj bieraściejcami Kiryłam Čykiejukom i Arciomam Stavienkam, maje šancy pieramahčy ŭ brytanskim konkursie Virgin Media Business, piša TUT.BY.
Vyjavy ŭ prajektary Kimo-no prajecyrujucca naŭprost u pavietra, jak u fantastyčnych filmach. Sabiekošt «pavietranaha» dyspłeja składaje 180 funtaŭ.
Dla Expo-2015, Suśvietnaj vystavy ŭ Miłanie, Italija, budzie stvorany 42-calevy «pavietrany» dyspłej.
Raspracoŭščyki prapanujuć vykarystoŭvać technałohiju najpierš dla rekłamy. Papiaredniaja ich technałohija, što pakazvaje animavanyja karcinki na kołach rovaraŭ, užo vykarystoŭvajecca ŭ hetych metach u Mieksicy, Irłandyi, Japonii. Suzasnavalnik Kino-mo byŭ nazvany adnym z 30 najbolš pierśpiektyŭnych maładych biełaruskich pradprymalnikaŭ.
«Pavietrany» dyspłej nahadvaje vientylatar, na łopaściach jakoha raźmieščanyja śvietładyjody. Kali «vientylatar» pačynaje ruchacca, utvarajecca kruhły «pavietrany» ekran, na jakim pakazvajucca kalarovyja vyjavy z vysokaj častatoj abnaŭleńnia. Karcinki možna pieradavać na prajektar choć sa smartfona, navat u realnym časie.
Siońnia Kino-mo z prajektam «pavietranaha» dyspłeja biaruć udzieł u konkursie startapaŭ Virgin Media Business, dzie ŭžo trapili ŭ paŭfinał. Pieramožca konkursu atrymaje 250 tysiač funtaŭ sterlinhaŭ na markietynhavuju kampaniju svajoj vynachodki dy biaspłatnuju dapamohu mientara. Addać hołas za prajekt možna tut.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk2
Kamientary