Palitrada Abjadnanych demakratyčnych sił na svaim pasiadžeńni 2 sakavika ŭklučyła ŭ adziny śpis kandydataŭ na ŭdzieł u vybarach u pałatu pradstaŭnikoŭ nacyjanalnaha schodu Biełarusi jašče 50 čałaviek.
Palitrada Abjadnanych demakratyčnych sił na svaim pasiadžeńni 2 sakavika ŭklučyŭ ŭ adziny śpis kandydataŭ na ŭdzieł u vybarach u pałatu pradstaŭnikoŭ nacyjanalnaha schodu Biełarusi 50 čałaviek. Takaja ž kolkaść pretendentaŭ była ŭklučana ŭ adziny śpis na pasiadžeńni Palitsavieta ADS 10 lutaha.
Na siońniašnim pasiadžeńni byli zaćvierdžany 14 kandydataŭ u Minskaj vobłaści, 13 — u Bresckaj, 12 — Hrodzienskaj, 9 — Mahiloŭskaj i pa adnym u Viciebskaj vobłaści i ŭ Minsku.
U zaćvierdžanym 2 sakavika śpisie, u pryvatnaści, pradstaŭleny 12 členaŭ AHP, 8 — BNF, 10 — BSDP (Hramada), 7 — PKB, 2 — arhkamiteta pa stvareńni Partyi pracy, 2 — likvidavanaj žanočaj partyi "Nadzieja", adzin — niezarehistravanaha "Maładoha frontu", 3 — kampanii "Za svabodnaje raźvićcio pradprymanictva".
Siarod kandydataŭ na ŭdzieł u vybarach vykonvajučy abaviazki staršyni BSDP (Hramada) Anatol Laŭkovič, namieśnik staršyni Partyi BNF Juryj Hubarevič, pradstaŭniki AHP Jarasłaŭ Ramančuk, Juryj Istomin, Ludmiła Hraznova, kiraŭnik minskaj abłasnoj arhanizacyi BSDP (Hramada) Valeryj Frałoŭ.
Jak zaznačyŭ A.Laŭkovič, Palitsaviet ADS pryniaŭ "pryncypova važnaje rašeńnie". Pavodle jaho słoŭ, śpisaŭ kandydataŭ "moža być šmat, ale adziny śpis — adzin". "Jon uzhodnieny, vypakutavany. Rašeńnie pa kandydatach z hetaha śpisu prymałasia kansensusam, praz ustupki pradstaŭnikoŭ roznych partyj i ruchaŭ", — zaznačyŭ palityk.
2 sakavika Palitsaviet ADS maje namier taksama abmierkavać kandydataŭ u adziny śpis pa akruhach, u jakich nie ŭdałosia pryniać rašeńnie rehijanalnym kaalicyjam.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej24
Kamientary