Na pamiežžy Viciebščyny i Smalenščyny dziejničaje złačynnaja hrupoŭka, jakaja karystajecca «bratnimi pačućciami» rasiejskich i biełaruskich viaskoŭcaŭ i pakidaje tych biez karoŭ i biaz hrošaj.
Na pamiežžy Viciebščyny i Smalenščyny dziejničaje złačynnaja hrupoŭka, jakaja karystajecca «bratnimi pačućciami» rasiejskich i biełaruskich viaskoŭcaŭ.
Schiema, pavodle jakoj pracujuć machlary, vydatna dziejničaje va ŭmovach ciapierašniaj idealahičnaj prapahandy «słavianskaj jednaści» i intehracyjnych pamknieńniaŭ Biełarusi j Rasiei.
Na praktycy aperacyja padmanu składajecca z dvuch etapaŭ. Spačatku ŭ rasiejskuju ci biełaruskuju viosku pryjaždžajuć cyhany dy skuplajuć ŭ sialan chatniuju žyviołu na miasa. Pakolki košty prapanujucca prystojnyja — kudy vyšejšyja za dziaržaŭnyja, viaskoŭcy‑piensyjanery achvotna pradajuć śvininu dy jałavičynu žyvoj vahoj i vielmi radujucca atrymanym vialikim hrašam… A praz kolki dzion pačynajecca druhi etap: da tych, chto z kim niadaŭna raźličylisia cyhany‑pradprymalniki, pryjaždžaje impazantnaja blandynka, jakaja pradstaŭlajecca supracoŭnicaj rajvykankamu ci municypalitetu — u zaležnaści ad dziaržaŭna‑terytaryjalnaj prynaležnaści vioski. Jana raspaviadaje babulkam‑dziadulkam pra toje, što intehracyja Biełarusi j Rasiei idzie poŭnaju chadoj, i što ŭžo navat pačałasia hrašovaja reforma — uvodziacca adzinyja «rasiejska‑biełaruskija» hrošy. Spadarynia prapanuje abmianiać «staryja» hrošy, jakija nibyta «ŭžo admianiajuć», na «novyja» — namalavanyja nieviadomym mastakom i razdrukavanyja na kalarovym pryntary.
Pra toje, što sapraŭdnyja hrošy abmianianyja na ničoha nia vartyja papierki, davierlivyja piensyjanery daviedvajucca samym bližejšym časam u kramie, sprabujučy raźličycca za nabytyja pradukty. Abo za hałavu chapajucca ichnyja dzieci, pryjaždžajučy z horadu pa sialanskija haścincy, — kali ščaślivyja baćki zamiest kiłbasaŭ i sała ŭručajuć im «hrošy supolnaj budučyni»…
Hrupoŭku machlaroŭ šukaje milicyja adrazu šaści rajonaŭ: Haradockaha, Čašnickaha, Biešankovickaha i Vušackaha na Viciebščynie dy Nievielskaha j Uśviackaha z pamiežnaj Smalenščyny. Pošuki ciahnucca ŭžo amal hod, ale pakul biezvynikova.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary