U 2016 hodzie moža istotna źmianicca sproščanaja sistema padatkaabkładańnia. Heta vynikaje z prajekta Zakona «Ab uniasieńni źmienaŭ i dapaŭnieńniaŭ u Padatkovy kodeks Respubliki Biełaruś», raźmieščanym na sajcie Minfina.
U pryvatnaści, prapanujecca ŭvieści zabaronu na ŭžyvańnie «sproščanaj» jurydyčnym asobam i ipešnikam, jakija akazvajuć pasłuhi internet-placovak i jakija ažyćciaŭlajuć roźničny handal praź internet-kramu.
U toj ža čas zakonaprajektam praduhledžvajecca dać prava prymianiać sproščanuju sistemu padatkaabkładańnia ŭsim unitarnym pradpryjemstvam, stvoranym respublikanskimi dziaržaŭna-hramadskimi abjadnańniami.
Źmieniacca i kryteryi, jakim treba adpaviadać dla pracy pa «sproščanaj». U prajekcie zakona ab uniasieńni źmianieńniaŭ u Padatkovy kodeks prapanujecca źnizić z 13,7 młrd rubloŭ da 1,5 młrd rubloŭ hraničny pamier hadavoj vałavaj vyručki dla indyvidualnych pradprymalnikaŭ, pry jakim ipešnik abaviazany spynić prymianieńnie sproščanaj sistemy padatkaabkładańnia i pierajści na ahulnaŭstanoŭleny paradak padatkaabkładańnia.
Akramia taho, pry «sproščanaj» płanujecca pavysić staŭku padatku da 16% u dačynieńni da dachodaŭ u vyhladzie sum biazvypłatna atrymanych hrašovych srodkaŭ, koštu biazvypłatna atrymanych tavaraŭ (rabot, pasłuh), majomasnych pravoŭ.
Taksama prapanujecca źnizić z 1,5 tys. da 1 tys. Kv. m kryter dla met vypłaty padatku na nieruchomaść subjektami pradprymalnictva, jakija karystajucca SSP.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary