U Hrodnie — sud pa spravie ab zabojstvie troch pradaŭščyc, svajaki nastojvajuć na rasstrele
14 vieraśnia ŭ Hrodzienskim abłasnym sudzie pačaŭsia praces pa spravie ab zabojstvie troch pradaŭščyc u Lidskim rajonie. Rodnyja zabitych prosiać pryhavaryć abvinavačvanaha da śmiarotnaj kary.
Staršynstvuje pa spravie — sudździa Anatol Zajac.
Na łavie padsudnych — 28-hadovy Ivan Kuleš, uradženiec Baranavickaha rajona. Jon abvinavačvajecca ŭ tym, što ŭ vieraśni 2013 hoda zabiŭ dźviuch žančyn-pradaŭcoŭ u Lidzie i vykraŭ z mahazina hrošy i tavary bolš jak na 37 młn. rubloŭ (č. 2 art. 205; č. 2 art. 207; č. 3 art. 207; pp. 1, 6, 12 č. 2 art. 139; pp. 6, 8, 16 č. 2 art. 139; č. 1 art. 14; pp. 8, 16 č. 2 art. 139 Kryminalnaha kodeksa Respubliki Biełaruś).
Pavodle viersii śledstva, Kuleš nanios achviaram šmatlikija ŭdary mietaličnaj truboj. Abiedźvie žančyny pamierli na miescy. Padsudnamu taksama vystaŭlenaje abvinavačańnie ŭ kradziažy — jon vynies hidrapompu z susiedskaha doma.
U listapadzie 2014 hoda, pavodle danych śledstva, padsudny zabiŭ jašče adnaho pradaŭca ŭ Lidskim rajonie — jon nanios žančynie bolš za 10 udaraŭ siakieraj i vykraŭ z mahazina hrošy i tavary na sumu bolš jak 8 młn. rubloŭ.
Akramia taho, Kuleš abvinavačvajecca ŭ zamachu na zabojstva syna pradaŭščycy, jaki zastaŭ jaho ŭ mahazinie.
Rodnyja zabitych ličać, što vinavataha treba pryhavaryć da vyklučnaj miery pakarańnia — rasstrełu.
Ivan Kuleš raniej dvojčy byŭ asudžany za kradziež i razboj, a taksama zaviedama łžyvy danos. Na momant uziaćcia pad vartu aficyjna nidzie nie pracavaŭ.
Padsudny admoviŭsia ad pakazańniaŭ u sudzie. Jon taksama admoviŭsia adkazać na pytańnie, ci pryznaje jon svaju vinu va ŭčynienych złačynstvach. U suviazi z hetym u sudzie začytanyja pakazańni, jakija abvinavačvany daŭ śledstvu.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary