U našych susiedziaŭ zarobki rastuć rekordnymi tempami.
U našych susiedziaŭ zarobki rastuć rekordnymi tempami.
U lutym siaredni palak zarablaŭ užo 3033 złotych. U złotych heta na 11 % bolej, čym u śniežni. Ale padzieńnie dalara jašče prymnožyła pamier zarobku ŭ dalaravym ekvivalencie. Try miesiacy tamu za adzin dalar davali 2,55 złotaha, ciapier užo — usiaho 2,26.
Niahledziačy na tryvožnyja prykmiety spadu ŭ amerykanskaj ekanomicy, krainy Centralnaj Eŭropy pa-raniejšamu rastuć jak na draždžach. Tempy rostu ŭ pieraliku na hod u Polščy składajuć 6,5 %, a ŭ Litvie — cełyja 8.
Prychod da ŭłady ŭ Polščy, najbolšym rynku Centralnaj Eŭropy, uradu Hramadzianskaj platformy i Sialanskaj Partyi, składzienaha ź liberałaŭ i ahrarnikaŭ, taksama natchniŭ biznes aptymizmam.
Praŭda, u pajadnańni z rostam suśvietnych cenaŭ na naftu i, adpaviedna, sielhaspradukty (pierapracoŭka ich na etanoł pryviazała ceny na ich da cenaŭ na enerhanośbity) burny ekanamičny rost pravakuje inflacyju. Niahledziačy na pryviazku lita da eŭra i stabilny kurs złotaha, spažyvieckija ceny rastuć u Polščy ŭ tempie 3,4 % za hod, u Litvie — navat vyšej za 10 %.
Dla paraŭnańnia: siaredniaja zarpłata ŭ Biełarusi ŭ studzieni skłała 340 dalaraŭ, inflacyja ŭ studzieni-lutym u pieraliku na hadavy pakazčyk — kala 12 %, deklaravanyja tempy rostu VUP — 9,9 %.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk2
Kamientary