Prezident RF Uładzimir Pucin padpisaŭ ukaz ab pryznačeńni Ramzana Kadyrava vykonvajučym abaviazki kiraŭnika Čačenskaj respubliki.
Padpisvajučy ŭkaz, prezident vykazaŭ nadzieju, što Kadyraŭ voźmie ŭdzieł u vybarach kiraŭnika Čačni ŭ vieraśni 2016 hoda.
Jak paviedamlaje «Interfaks», Ramzan Kadyraŭ u adkaz padziakavaŭ Pucinu za akazany davier i vysokuju acenku svajoj pracy.
«Raźličvaju na toje, što žychary Čačni, čačenski narod zmohuć acanić pa zasłuhach padčas vybarčaj kampanii i vybaraŭ toje, što vy zrabili dla respubliki», — skazaŭ Pucin. «Ale paŭtaru jašče raz, što my nie možam zdavolvacca tym, što zroblena, a treba zaŭsiody hladzieć u budučyniu, i my viedajem, što my možam i pavinny zrabić dla našych ludziej bolš», — padkreśliŭ jon.
Termin paŭnamoctvaŭ Ramzana Kadyrava na čale Čačenskaj respubliki minaje 5 krasavika. Z pačatku hoda Kadyraŭ niekalki razoŭ zajaŭlaŭ, što hatovy pakinuć svaju pasadu, kali tak vyrašyć prezident Rasii. Kadyraŭ uznačalvaje Čačniu z 2007 hoda.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec
Kamientary