Elektronny łajv-bend, jaki vydaŭ letaś adzin z samych pryhožych albomaŭ u biełaruskaj muzycy, pradstaŭlaje na Tuzin.fm svoj reliz «Mova», u jaki ŭvajšli try zusim novyja treki na biełaruskaj movie.
Hurt Intelligency admietny tym, što talenavita i aryhinalna spałučaje elektronaje hučańnie z žyvymi i instrumentami. Pry čym, akramia hitaraŭ dy bubnaŭ, kamanda Ŭsievałada Doŭbni i Juryja Tarasieviča vykarystoŭvaje i klasyčnyja instrumenty – skrypki dy vijałančel. Vychodzić cikavaje spałučeńnie tancavalnaha dyp -chaŭzu i techna ź bluz-rokavymi notkami dy žyvoj symfonikaj (adsiul i ŭłasnaje samavyznačeńnie stylu – «techna-bluz»). Hurt zdabyŭ sabie słavu jak svaimi jaskravymi žyvymi vuličnymi vystupami ŭ Miensku, tak i studyjnymi pracami.
Intelligency u svajoj tvorčaści vykarystoŭvajuć pieravažna anhielskuju movu. Pry kancy 2015-ha muzykivydali vydatny albom «DoLoven». Svaje biełaruskamoŭnyja treki jany vyrašyi prezentavać u asobnym relizie – maksy-synhle «Mova», u jaki ŭvajšli try zusim novyja pieśni – «Nie 1», «Viedaju chto ja» dy «Mova». «My nie imknulisia abjadnać reliz ahulnaj kancepcyjaj, – kaža vakalist hurta Ŭsievaład. – Adnak, u jaho jość hałoŭny łejtmatyŭ – pryhažość u budzionnym. My kažam pra pryhažość svajoj krainy, jaje movy i prostych rečach, jakija blizkija kožnamu. Viadoma ž, što pra heta možna skazać tolki pa-biełarusku». Jaho kaleha Jury Tarasievič dadaje: «Chaciełasia zrabić niešta sučasnaje, niešablonnaje pa stylu, blizkaje dy rodnaje, ale pry hetym biez archaiki. Nie chaciełasia spekulavać na temie patryjatyzmu, a prosta pahavaryć pra prahažość, jakuju my nie zaŭvažajem u mituśni pracoŭnych dzion».
Naohuł, ža Ŭsievaład i Jury padkreślivajuć, što hałoŭnaje ŭ ich tvorčaści – trymacca svaich pierakanańniaŭ i danosić ich da słuchačoŭ. «My i nazvu abrali takuju, kab addać daninu pavahi kanservatyŭnamu razumieńniu pra zdarovaje raźvićcio asoby dy niezvyčajny ład myśleńnia, jaki źmianiŭsia ŭ naš čas na myśleńnie klikavaj śviadomaści. Ślepa iści pa darohi papularnaj klubnaj kultury my nie źbirajemsia. Dakładna ŭśviedamlajem, što majem svoj šlach i svaje dumki dy hatovy imi dzialicca», – zajaŭlajuć muzyki.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary