Ustupnaja kampanija ŭ himnazii pačniecca 2 červienia

U Biełarusi 2 červienia pačniecca ŭstupnaja kampanija ŭ himnazii. Jak paviedamiła pres-sakratar Ministerstva adukacyi Julija Baradun, žadajučym pastupić u 5-ja kłasy himnazij treba budzie zdać dyktoŭki pa ruskaj i biełaruskaj movach, napisać kantrolnuju rabotu pa matematycy.

Tym, chto pastupaje ŭ tak zvanyja tvorčyja ŭstanovy adukacyi, treba budzie prajści jašče adno vyprabavańnie — pravierka zdolnaściaŭ u halinie asobnych vidaŭ mastactva.

Ustupnyja ispyty pa ruskaj movie projduć 2 červienia (dyktoŭka), matematycy — 4 červienia (kantrolnaja rabota), biełaruskaj movie — 7 červienia (dyktoŭka). 9 červienia adbudziecca pravierka zdolnaściaŭ pa asobnych vidach mastactva: u halinie muzyčna-charavoha i muzyčna-instrumientalnaha mastactva — pytańni pa salfiedžya i hulnia na muzyčnym instrumiencie; u halinie vyjaŭlenčaha mastactva — malunak, žyvapis, kampazicyja; u halinie teatralnaha mastactva — vykanańnie vieršavanaha tvora, eciuda na vyznačanuju temu, tanca; u halinie chareahrafičnaha mastactva — vykanańnie kłasičnaha i narodnaha tancaŭ. Reziervovy dzień dla tych, chto pa abjektyŭnych pryčynach nie zmoh źjavicca na ŭstupnyja vyprabavańni, — 10 červienia. Pačatak usich vyprabavańniaŭ — u 11.00.

Sioleta tradycyjna teksty i zadańni dla ŭstupnych vyprabavańniaŭ pa biełaruskaj movie, ruskaj movie, matematycy, u tym liku ŭ reziervovy dzień, buduć abvieščanyja pa telebačańni i radyjo. Ubačyć, jakija teksty i zadańni buduć abranyja dla ispytu, možna budzie i na partale Ministerstva adukacyi (edu.gov.by) — raździeł «Naviny».

Pravierka i acenka piśmovych rabot vučniaŭ pa biełaruskaj i ruskaj movach ažyćciaŭlajucca ŭ adpaviednaści z Normami acenki vynikaŭ vučebnaj dziejnaści vučniaŭ ahulnaadukacyjnych ustanoŭ pa vučebnych pradmietach (dakumient raźmieščany na partale edu.gov.by).

Pry pryjomie ŭ himnazii, himnazii-internaty, himnazii-kaledžy mastactvaŭ uličvajucca jak vyniki ŭstupnych ispytaŭ pa vučebnych pradmietach, tak i hadavyja adznaki pa ich. Pry roŭnaj kolkaści bałaŭ (suma bałaŭ pa vynikach ustupnych vyprabavańniaŭ i hadavych adznak) pieravažnaje prava na zaličeńnie ŭ himnazii, himnazii-internaty majuć asoby z bolš vysokim siarednim bałam hadavych adznak za 4-y kłas, a ŭ himnazii-kaledžy mastactvaŭ — asoby z bolš vysokim uzroŭniem zdolnaściaŭ u halinie asobnych vidaŭ mastactva.

Kali dzicia nie pastupić u himnaziju, himnaziju-kaledž mastactvaŭ, dzie atrymała pačatkovuju adukacyju, jon moža praciahnuć navučańnie va ŭstanovie adukacyi pa miescy žycharstva abo ŭ inšaj ustanovie adukacyi, jakaja realizuje adukacyjnuju prahramu bazavaj adukacyi, siaredniaj adukacyi, u metach zabieśpiačeńnia praciahu vyvučeńnia taho zamiežnaj movy, jaki jon vyvučaŭ u 3-4-m kłasach.

• 0
• 0
• 0
• 0
• 0
• 0
• 0
• 0