U stalicy Ŭkrainy padvodziać vyniki hałasavańnia na vybarach mera Kijeva j deputataŭ haradzkoj rady.
Leanid Čarnaviecki |
U stalicy Ŭkrainy padvodziać vyniki hałasavańnia na vybarach mera Kijeva j deputataŭ haradzkoj rady. Jak i prahnazavali eksperty, Leanid Čarnaviecki zastaŭsia ŭ kreśle staličnaha kiraŭnika, a hałoŭnaj niečakanaściu hetych daterminovych vybaraŭ stałasia paraza praprezydenckaha bloku «Naša Ŭkraina — Narodnaja samaabarona».
Za deputackija miescy ŭ Kijeŭradzie zmahalisia 37 partyj i blokaŭ, a na post mera horadu pretendavali 70 kandydataŭ. Na hetych vybarach zafiksavanaja samaja nizkaja aktyŭnaść Da vybarčych učastkaŭ pryjšli krychu bolš za pałovu kijaŭlanaŭ, jakija mieli prava hołasu. Pakinuŭšy daloka zzadu asnoŭnych supiernikaŭ z vynikam bolš jak 30% Leanid Čarnaviecki ŭtrymaŭsia ŭ kreśle kijeŭskaha haradzkoha kiraŭnika. Druhoje miesca ŭ kandydata ad bloku Julii Cimašenki, pieršaha vice‑premjera Alaksandra Turčynava j treciaje — u znanaha baksiora Vitala Kličko.
Kamentujučy papiarednija vyniki vybaraŭ, spadar Čarnaviecki zajaviŭ, što jahonaja pieramoha jość sakrušalnaj parazaj Bloku Julii Cimašenki:
«My pierałamili samuju važnuju palityčnuju siłu va Ŭkrainie. To bo faktyčna adbyŭsia fenomen: u Kijevie, u hałoŭnym horadzie Ŭkrainy, u jakim žyvie, pavodle maich źviestak, bolš za 5 miljonaŭ čałaviek, dzie žyvuć ludzi, jakija razumiejuć, jany prajhrali, to bo tyja, chto inicyjavaŭ hetyja vybary».
Palityčnaja siła na čale ź Cimašenkaj sastupiła Bloku Leanida Čarnavieckaha j lidarstva na vybarach u Kijeŭradu. Heta surjozny ŭdar najpierš pa imidžy premjer‑ministarki. Pierad nastupnymi vybarami va Ŭkrainie Cimašenka raźličvała na tryjumfalnuju pieramohu ŭ stalicy. U paraŭnańni ź letašnimi parlamenckimi vybarami blok premjerki nabraŭ u Kijevie ŭdvaja mieniej hałasoŭ.
Zhodna z papiarednimi źviestkami, u haradzkuju radu prachodziać vosiem partyj i abjadnańniaŭ. Niečakanaj stałasia paraza «Našaj Ukrainy — Narodnaj samaabarony». Praprezydenckamu bloku, vidać pa ŭsim, nie ŭdałosia navat pieraadoleć ustalavany trochadsotkavy barjer.
Pieramoha Čarnavieckaha — vynik pravału pieramoŭ što da adzinaha kandydata ŭ mery ad aranžavych sił, ličyć deputat Viarchoŭnaj Rady ad «Našaj Ukrainy — Narodnaj samaabarony» Alaksandar Traciakoŭ»
«My pieramahali, kali ŭ nas byŭ adzin kandydat, kali my byli razam. Ciapier my poŭnaściu raźjadnanyja. Havaryć možna tolki pra adno: my ŭsie prajhrali. I heta samaja hałoŭnaja vysnova hetych vybaraŭ. Heta chałodny duš dla nas».
Razam z tym u apazycyjnaj Partyi rehijonaŭ peŭnyja, što kijeŭskija vybary stanuć katalizataram razvału «aranžavaj» kiroŭnaj kaalicyi j pryviaduć da maštabnaj palityčnaj kryzy va Ŭkrainie.
Fota — Kijivśka Miśka Dieržavna Administracija
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary