Francyja choča kantralavać miačeci, kab spynić radykalizacyju

Dziasiatki ŭpłyvovych pradstaŭnikoŭ musulmanskaj supolnaści Francyi i premjer-ministr krainy Manuel Vals zaklikali da prasoŭvańnia idej asnoŭnaj płyni isłamu i da baraćby z radykalizacyjaj maładych musulman u Francyi.

Zvaroty da hramadzian byli apublikavanyja ŭ paniadziełak u haziecie Journal du Dimanche (JDD) u suviazi z zabojstvam śviatara isłamskimi ekstremistami na minułym tydni.

Pavialičyć

I premjer-ministr Vals, i viadomyja musulmanie Francyi ŭ svaich zajavach advodziać klučavuju rolu ŭ baraćbie z radykalizacyjaj fondu, zasnavanamu ŭ 2005 hodzie. Adnak jak mienavita jon budzie supraćstajać hetaj pahrozie, nie paviedamlajecca.

U svaim artykule ŭ JDD Vals zajaviŭ, što francuzskaja dziaržava pavinna paźbiahać «jakoha b tam ni było paternalizmu» ŭ adnosinach da isłamu, adnak padkreśliŭ «nastojlivuju nieabchodnaść dapamahčy isłamu ŭ Francyi pazbavicca tych, chto razburaje jaho znutry».

«Kali isłam nie dapamoža respublicy ŭ baraćbie suprać tych, chto kidaje vyklik hramadskim svabodam, respublicy budzie ciažej harantavać svabodu vieravyznańnia», — papiaredziŭ Vals.

U sumiesnaj zajavie musulman, padpisanaj pradprymalnikami, jurystami i navukoŭcami, havorycca: «My pavinny vykazacca, tamu što isłam staŭ hramadskaj prablemaj, i biahučaja situacyja niedapuščalnaja».

Jany zaklikali da kulturnaj baraćby suprać radykalnaha isłamizmu siarod moładzi. Na ich dumku, jana pavinna ŭklučać u siabie prazrystaje finansavańnie miačeciaŭ, naležnuju padrychtoŭku i zarpłatu dla imamaŭ, a taksama teałahičnuju pracu.

U paniadziełak kiraŭnik MUS Francyi Biernar Kaźnioŭ paviedamiŭ, što sa śniežnia minułaha hoda ŭłady krainy zakryli kala 20 miačeciaŭ, u jakich prapaviedavaŭsia radykalny isłam.

Pa słovach Kaźniova, u krainie naličvajecca kala 2500 miačeciaŭ i malelnych załaŭ, prykładna ŭ 120 ź jakich prapaviedujecca sałafija — radykalny kirunak u sunickim isłamie.

Tym časam dvoje členaŭ apazicyjnaj pravaj partyi respublikancaŭ Eryk Čyjaci i Kryścijan Estrazi abvinavacili Manuela Valsa ŭ kryvadušnaści za niazdolnaść praduchilić budaŭnictva miačeci, jakoje finansujecca Saudaŭskaj Aravijaj, u Nicy. U Jeŭropie rastuć aściarohi z nahody ŭpłyvu ultrakansiervatyŭnaj vachabickaj płyni isłamu — panujučaj daktryny ŭ Saudaŭskaj Aravii.

Na minułym tydni premjer-ministra Francyi aśvistali na žałobnym mierapryjemstvie ŭ pamiać ab achviarach teraktu ŭ Nicy, jaki zabraŭ žyćci 84 čałaviek

Raniej lidar apazicyi i były prezident Nikala Sarkazi raskrytykavaŭ dziejańni ŭrada ŭ suviazi z napadam. Na dumku Sarkazi, urad Valsa nie zdoleŭ zabiaśpiečyć biaśpieku hramadzian.

• 0
• 0
• 0
• 0
• 0
• 0
• 0
• 0