«Vitaju ciabie, majo soniejka» — pačynaje svoj list da žonki Andrej Dundukoŭ — vyratavalnik respublikanskaha atrada śpiecyjalnaha pryznačeńnia, fihurant «spravy patryjotaŭ».
Jaho zatrymali nočču 22 sakavika, kali jon razam ź siamjoj jechaŭ na adpačynak. Jak stała viadoma, jamu vystaŭlena abvinavačańnie pa 3 častcy 293 artykuła KK — navučańnie i padrychtoŭka asobaŭ dla ŭdziełu ŭ masavych biesparadkach.
Chłopcy pišuć listy da siamji z «Amierykanki», kab choć z kimści padzialicca svaimi turbotami i pieražyvańniami, kab nie zhubić suviaź z rodnymi i lubymi.
Voś vytrymki z čarhovaha lista:
«Pačnu z drennych navinaŭ. Mianie abvinavacili i zaraz da suda buduć trymać pad vartaj. Na kolki heta raściahniecca, adnamu Bohu viadoma. Ale nie bolej čym na 18 miesiacaŭ. Tamu trymajsia, maja maleńkaja dziaŭčynka… Asabliva niečaha novaha skazać nie mahu… Viadoma, što nastroj sapsavaŭsia ad naviny pra toje, što i dalej budu znachodzicca tut».
«Što było ź Mirykam? Čamu jon nie spaŭ? Pieradaj jamu, što ja duža-duža sumuju pa im… Što lublu jaho mocna-mocna. I kali tolki nadarycca mahčymaść, ja adrazu pajdu ź im u les palić vohnišča. I abaviazkova pajdu ź im na vialikija horki z kamianiami».
Ščyra kažučy, ja afihievaju ad hetaj spravy, što razharnułasia… Ja ŭ šoku. Zaraz hałoŭnaje — mocna nie chvalavacca tabie. Jak tam tvaje ručki? Syšli niervovyja plamy? Raspaviadaj mnie, što źbiraješsia rabić, bo ja tut jak u infarmacyjnym vakuumie».
«Ščyra kažučy, bolš za ŭsio ciśnie niavyznačanaść… Ja mocna chvalujusia za vas! Sa mnoj usio bolš-mienš zrazumieła, a z vami dla mianie — nie… Ja mocna kachaju ciabie!!! I duža bajusia zhubić ciabie…»
«Prabač za toje, što tak stałasia… Trymajsia, majo soniejka! Kachaju ciabie mocna! Abdymi Miryčka i pabusiaj!»
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary