Zajaŭniki Čarnobylskaha šlachu nie vyklučajuć, što akcyja moža adbycca ŭ Kijeŭskim skviery
Zajaŭniki Čarnobylskaha šlachu 19 krasavika pieradali zvarot u Mienharvykankam z patrabavańniem pamianiać čas praviadzieńnia akcyi z 14 na 18 hadzin.
Pavał Sieviaryniec raskazaŭ, što da zajaŭnikaŭ Čarnobylskaha šlachu vyjšła tolki kiraŭnica adździełu dakumentaabarotu, jakaja pryniała zvarot zajaŭnikaŭ. Jany, adnak, planavali sustrecca sa staršyniom Mienahrvykankamu Andrejem Šorcam dy inšymi kiraŭnikami. Adnak zajaŭnikam patłumačyli, što jany albo na naradach, albo ich niama.
«Da piatnicy ŭ Mienharyvkankamu jość čas. Kali nia budzie źmieny času na 18 hadzin, heta budzie aznačać, što Mienharvykankam prosta zabaraniaje Čarnobylski šlach. Zryvaje i zabaraniaje ŭpieršyniu za 28 hadoŭ hetuju akcyju. I ŭ tym vypadku, kali Mienahrvykankam nia pojdzie na źmienu času, nie pryznačyć jaho na 18 hadzinaŭ, jak my patrabavali ŭ zajaŭcy, my budziem zaklikać ludziej udzielničać u dazvolenym mitynhu, jaki pravodzić KCHP BNF u Kijeŭskim skvery — 26 krasavika, a 18.00».
***
Raniej zajaŭniki prasili dazvolić zbor udzielnikaŭ akcyi kala Vialikaha teatra opery i baletu i šeście vulicaju Maksima Bahdanoviča da Čarnobylskaj kaplicy ŭ rajonie płoščy Banhałor. Adnak Mienharvykankam źmianiŭ farmat akcyi i dazvoliŭ zbor udzielnikaŭ na placoŭcy kala Akademii navuk i šeście da płoščy Banhałor. Pry hetym ułady źmianili čas praviadzieńnia mierapryjemstva z 18 hadzin, jak prasili zajaŭniki, na 14.00.
Arhanizatary akcyi vyrašyli nie nastojvać na zajaŭlenym maršrucie akcyi, ale patrabavać źmieny času jaje praviadzieńnia
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej24
Kamientary