Prajekt «SłuchaćŬnavušnikach» prezentavaŭ na TuzinFM samotnik «Zima», jaki muzyki pryśviacili Narodnaj artystcy Jadvizie Papłaŭskaj na znak svajho šanavańnia i padtrymki.
«Zima» — heta novy synhł biełaruska-izrailskaha prajektu «SłuchaćŬnavušnikach», jaki zajaviŭ pra siabie letaś debiutnym albomam, što byŭ napisany na troch vojnach. Praca nad trekam skončyłasia litaralna tolki što, tamu śnieh, jaki pajšoŭ na pieršamaj u Miensku, padkreśliŭ aktualnaść kampazycyj, miarkujuć muzyki.
Praca viałasia na fonie skandału vakoł piesień Eduarda Chanka, jaki pakryŭdziŭsia na toje, što jaho imia nie zhadali na viečary pamiaci Alaksandra Cichanoviča dy zabaraniŭ Jadvizie Papłaŭskaj vykonvać svaje pieśni, u tym liku «Zaviruchu» na vierš Hienadzia Buraŭkina. Barysa Šterna zakranuła hetaja historyja. Tamu jon pryśviaciŭ Narodnaj artystcy Biełarusi novy tvor svajho prajektu.
«My razumiejem, što spadarynia Jadviha naŭrad ci zamienić «Zaviruchu» na našu «Zimu», ale naš synhł — heta padtrymka jaje ŭ siońniašnich abstavinach. Uvohule nam usim nie chapaje pazytyva, i kali jaho niama, to jaho treba stvarać», — skazaŭ Barys Štern z nahody premjery na TuzinFM.
Vierš spačatku byŭ napisany pa-rasiejsku, ale sam aŭtar pryznaje, što ŭ pierakładzie Ihara Krebsa tekst zahučaŭ kudy bolš aŭtentyčna. Ihar pierakłaŭ užo niamała vieršaŭ Barysa. Kaža, što chopić na paŭnavartasny albom.
Muzyku da treku stvaryŭ biełaruski elektronščyk Siarhiej Maksimčuk, pradusar prajektaŭ Logika Metro/Energun. «Mnie było cikava papracavać z Barysam, ź jakim my znajomyja ŭžo šmat hod. A taksama było pryjemna zrabić trek u styli dobrych 90-ch. Kali heta spadabajecca Jadvizie Kanstancinaŭnie, budzie sapraŭdy choraša!», — kaža Siarhiej Maksimčuk.
Eduard Chanok choča padać u sud na Anatola Jarmolenku i Jadvihu Papłaŭskuju
Jadviha Papłaŭskaja ab pretenzijach Chanka: Paśla jaho vizitu było žadańnie paŭźci na Maskoŭskija mohiłki i tam zakapacca
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary