U Biełarusi z 4 pa 30 kastryčnika 2019 hoda projdzie pierapis nasielnictva, Biełstat płanuje zadziejničać u hetych metach bankaŭskuju sistemu ARIP, paviedamiła ŭ efiry «Biełaruś-1» staršynia Nacyjanalnaha statystyčnaha kamiteta Ina Miadźviedzieva.
Pavodle jaje słoŭ, probny pierapis projdzie ŭžo ŭ kastryčniku 2017 hoda ŭ Maładziečnie — heta hienieralnaja repietycyja pierapisu 2019 hoda. Ad jaje zaležyć i technałohija, i kolkaść, i jakaść zadadzienych pytańniaŭ nasielnictvu. Ina Miadźviedzieva patłumačyła, što vybar upaŭ na Maładziečanski rajon, tamu što jon ujaŭlaje saboj typovy zrez dla Respubliki Biełaruś.
«IT-technałohii chutka raźvivajucca, i my siońnia miarkujem praviadzieńnie pierapisu biespapiarovaha. My prapracoŭvajem pytańni praviadzieńnia pierapisu praź internet. My viadziem pracu z Nacbankam pa pierapisie ŭ ARIP, tamu što ŭ ich jość sistema, jakaja pracuje i maje ŭsie ŭzroŭni abarony», — raspaviała kiraŭnik statystyčnaha viedamstva. Pavodle jaje słoŭ, možna adnaznačna kazać, što u 2019 hodzie źjavicca mahčymaść anłajn zapoŭnić apytalnik pierapisu.
Kamientary