Roŭna tydzień spatrebiŭsia apieratyŭnikam kryminalnaha vyšuku Savieckaha RAUS h. Homiela, kab raskryć kradziež płaciožnaha terminała «QIWI», paviedamlaje UUS Homielskaj vobłaści.
Z zajavaj ab kradziažy źviarnuŭsia dyrektar adnaho z pradpryjemstva, jaki maje sietku padobnych terminałaŭ. 29 studzienia stała viadoma, što terminał prosta vyrvali ź ściany. Na toj momant u im znachodziłasia 1250 rubloŭ. Pošuki pa haračych śladach vyniku nie prynieśli.
U noč na 5 lutaha nieviadomyja znoŭ pasprabavali ździejśnić kradziež terminała. Ale złamyśniki paśpieli jaho tolki demantavać, jak byli zatrymanyja supracoŭnikami kryminalnaha vyšuku i ŭčastkovym inśpiektaram Savieckaha RAUS.
Paźniej stanie viadoma, što na kradziež pajšli žonka i muž 24 i 25 hadoŭ.
Pry pieratrusie ich kvatery znajšli razvaročany pieršy vykradzieny terminał. Była kanfiskavana i častka nieskarystanych hrošaj.
Darečy, złačyncy nie viedali, što ŭ druhim płaciežnym terminale, jaki jany sprabavali vykraści, znachodziłasia ŭsiaho 30 rubloŭ.
Kamientary