Minčuk Fiodar Babanaŭ byŭ zatrymany 19 krasavika. Jaho vinavaciać u raspaŭsiudzie porna — adpaviedny rolik byŭ raźmieščany na staroncy chłopca ŭ sacsietkach.
Babanaŭ raspavioŭ pravaabaroncam-viasnoŭcam padrabiaznaści zatrymańnia.
Pa słovach chłopca, jaho vyklikali da ŭčastkovaha štości padpisać. Tam troje ŭ cyvilnym nakinuli na jaho kajdanki i advieźli va ŭpraŭleńnie HUBAZiK. Pa darozie ŭvieś čas hučali abrazy, śćviardžaje Babanaŭ.
«Kazali: «Takich, jak ty, nie pavinna isnavać. Ty — bijaśmiećcie», — uzhadvaje Babanaŭ.
Jon raskazvaje, što jaho pastavili na raściažku i pačali raspytvać nie pra rolik u sacsietkach, a pra siabroŭ-anarchistaŭ. Zatym chłopca advieźli ŭ Śledčy kamitet, dzie dapytali. Kajdanki źniali tolki tam, kaža Babanaŭ. Paśla, pa jaho słovach, śledčymi było pryniata rašeńnie aryštavać jaho na troje sutak. Babanava advieźli na Akreścina. Tam, kaža chłopiec, abrazy praciahnulisia.
«Heta tvoj dom na bližejšyja niekalki hadoŭ», «Pasadzicie jaho ŭ «pietušynuju kamieru» — voś prykładna takija frazy adnosna siabie ja čuŭ. Praz sutki znachodžańnia tam da mianie pryjšoŭ adzin z supracoŭnikaŭ HUBAZiK i znoŭ pačaŭ raspytvać pra anarchičny ruch, maich siabroŭ i znajomych. Taksama jon pytaŭsia, navošta ja pišu Źmitru Palijenku. Jon praciahvaŭ cisnuć na mianie, ale ja admaŭlaŭsia adkazvać na jaho pytańni», — śćviardžaje chłopiec.
Ciapier Babanaŭ na voli pad padpiskaj ab niavyjeździe. Sam jon źviazvaje svajo zatrymańnie ź dziejnaściu ŭ anarchičnym ruchu.
U pres-słužbie minskaj milicyi admovilisia kamientavać situacyju.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary