Kansultatyŭnaja rada Saudaŭskaj Aravii pryniała zakon, jaki abaraniaje žančyn ad lubych formaŭ ahresii i damahańniaŭ. Padobnyja miery ŭvodziacca ŭpieršyniu ŭ historyi karaleŭstva i šmat u čym zaklikany zabiaśpiečyć biaśpieku aŭtamabilistak, jakija ŭžo z 24 červienia zmohuć svabodna padarožničać pa krainie biez supravadžeńnia mužčyn.
Z hetaha času abvinavačanamu ŭ damahańni pahražaje ad dvuch da piaci hadoŭ pazbaŭleńnia voli abo štraf ad $26,6 tysiačy da $80 tysiač u zaležnaści ad ciažkaści złačynstva. Pad parušeńnie zakona padpadaje lubaja zajava, dziejańnie abo namiok z seksualnym padtekstam, jaki zakranaje abo moža abražać hodnaść čałavieka, zrobleny, u tym liku, u sacyjalnych sietkach.
Pavodle statystyki, u 2014 hodzie 80% žančyn va ŭzroście ad 18 da 48 hadoŭ stali achviarami damahańniaŭ. U 2016 hodzie kolkaść paciarpiełych vyrasła na 11,4%. U apošnija niekalki miesiacaŭ u internecie razharnułasia maštabnaja kampanija z zaklikam da ŭładaŭ jak maha chutčej pryniać zakon, jaki abaraniaje žančyn.
Sioletni hod u Saudaŭskaj Aravii prachodzić pad znakam vyzvaleńnia žančyn ad kansiervatyŭnych zabaron. U studzieni dla zaŭziatarak adkrylisia spartyŭnyja areny, a žanočy sport ciapier nie tolki nie dakarajecca, ale i atrymlivaje padtrymku ŭładaŭ. U červieni žančyny atrymajuć prava kiravać aŭtamabilem, a ź im i svabodu pieramiaščeńnia.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary