Niadaŭna na poŭnačy Sierbii adkryli statuju ŭ vyhladzie savy, adnak šmat kamu pomnik bolš nahadvaje mužčynski pałavy orhan, piša Bi-bi-si.
2,4-mietrovuju skulpturu ŭstalavali ŭ horadzie Kikinda, kab nahadać, što mienavita ŭ hetaj miascovaści pražyvaje najbujniejšaja ŭ śviecie papulacyja vušastych sovaŭ.
Adnak užo nieŭzabavie paśla adkryćcia statui źjavilisia tyja, kamu jana padałasia nieprystojnaj.
Pad publikacyjaj pra pomnik, jakaja źjaviłasia na Facebook-staroncy horada Kikinda, — dziasiatki naśmiešlivych kamientaroŭ.
«Heta vydatna, — napisaŭ adzin z karystalnikaŭ. — Voś tolki nie mahu zrazumieć, što ž heta mnie nahadvaje».
«Ja lublu sovaŭ i lublu svoj horad, ale hetaja skulptura — heta prosta pravał», — dadaŭ inšy.
Choć niekatoryja pastaviŭsia da novaj statui z humaram, u reakcyi niekatorych karystalnikaŭ adčuvajecca złość. Niekatoryja ź ich taksama pryznavalisia, što adčuvajuć soram za svoj rodny horad.
«Zaraz usie buduć z nas śmiajacca», — havorycca ŭ adnym z kamientaroŭ.
Jovan Błat, aŭtar supiarečlivaj skulptury, raspavioŭ sierbskaj haziecie Vecernje Novosti, što z-za krytyki ŭžo padumvaje nad tym, kab zrabić novuju pracu.
Pavodle jaho słoŭ, jon nie sprabavaŭ zrabić fotarealistyčnuju kopiju savy, jaho metaj była jaje stylizavanaja viersija z vyciahnutym tułavam.
«Heta vidavočna, što ludzi nie razumiejuć sučasnaha mastactva», — reziumuje mastak.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary