U Kurapatach znosiać kryžy, pa pierymietry staviać kazionnuju aharodžu
U Kurapatach źnieśli kryžy pierymietra.
«Nahnali techniki, znosiać kryžy», — paviedamiŭ «Našaj Nivie» vidavočca ŭranku.
Karespandentka «Našaj Nivy» stała śviedkaj, jak DAI zabłakavała padjezdy da Kurapataŭ, nie dazvalała spyniacca kala restarana «Pajedziem pajadzim». Milicyja ačapiła Kurapaty pa pierymietry i nie prapuskała ludziej. Traktary vyciahvali kryžy i hruzili ŭ mašynu z numarnym znakam, abkručanym anučaj. Paźniej prybyli rabočyja i pryvieźli słupy, kab stavić vakoł uročyšča aharodžu.
Paźniej aficyjnaje ahienctva BiełTA paviedamiła, što «ŭ Kurapatach prachodziać płanavyja raboty pa dobraŭparadkavańni, prybirajucca niezakonna ŭstanoŭlenyja zbudavańni ŭ vyhladzie kryžoŭ».
U Kurapackim lesie u brackich mahiłach lažać pareštki dziasiatkaŭ tysiač ludziej, rasstralanych savietami ŭ 1937—1941 hadach. Z kanca 1980-ch ludzi stavili na brackich mahiłach i pa pierymietry ŭročyšča kryžy. U 2018-m dziaržaŭnyja ŭłady taksama pastavili ścipły pomnik u centry miemaryjała. Na svajoj vialikaj pres-kanfierencyi 1 sakavika Alaksandr Łukašenka vykazaŭ niezadavalnieńnie, što kryžy vidać z MKAD.
Kamientary