Padčas narady z ekanamičnym błokam urada Alaksandr Łukašenka dazvoliŭ pry patrebie zakryć na ramont naftapravody z rasijskaj naftaj. «Kali treba pastavić na ramont naftapravody i naftapraduktapravody, jakija iduć praź Biełaruś, staŭcie i ramantujcie. Bo toje dabro, jakoje my robim dla Rasijskaj Fiederacyi, jano nam viartajecca pastajanna złom. Tam užo zrabilisia nachabnymi da takoj stupieni, što pačynajuć nam vykručvać ruki», — skazaŭ kiraŭnik Biełarusi.
Jak na hetyja słovy adreahavali ŭ Rasii? Padborka mierkavańniaŭ z telehram-kanałaŭ z Uschodu, jakija pracujuć na biełaruskuju aŭdytoryju.
***
Cikava, jak budzie pa-biełarusku «jazyk moj — vorah moj»?
(Telehram-kanał «Uschodniaje prytvorstva)
***
«Toj dziŭny momant, kali nie Łukašenka vykručvaje ruki, a naadvarot. Baćka aburyŭsia handlovymi abmiežavańniami z boku Rasiei. «Tam užo abnahleli da takoj stupieni, što pačynajuć nam vykručvać ruki», — skazaŭ jon. Jak zvyčajna, paličyŭ za lepšaje nie ŭspaminać pra toje, što pazicyja Rasii — ułasna, zapoźnieny adkaz na jaho ŭłasnyja šmatlikija sproby i pavykručvać joj ruki, i zrabić ad jaje nohi».
(Telehram-kanał «Trykataž»)
***
«Kali vy ŭmiejecie čytać Łukašenku jak umieju ja, to možna lohka ŭbačyć, što heta pramaja pahroza pierakryć tranzit enierhanośbitaŭ. Mienavita z-za hetaha pradprymajecca šerah mier pa zabieśpiačeńni enierhietyčnaj aŭtanomnaści Kalininhradskaj vobłaści».
(Telehram-kanał «Bulba prastołaŭ»)
***
«Čym adkazvaje Łukašenka? Daje rasparadžeńnie pastavić na ramont naftapravody, jakija iduć praź Biełaruś, z prosta ahučanaj metaj — nanieści škodu Rasii. Druhi vidavočny krok u hetym rečyščy — admova ad rasiejskich kredytaŭ, tym bolš što Suśvietny bank, jak piša BiełTA, moža być, daść da kanca hoda $300 miljonaŭ. I niavypłata doŭhu pierad RF. Heta ŭžo nie drejf na Zachad, a marš pad hučnyja vokličy».
(Telehram-kanał «Trykataž»)
***
«Sutnaść novaha kryzisu ŭ adnosinach ź Biełaruśsiu vielmi prostaja: rasijski bok spyniŭ patok kantrabandy sadaviny, u bližejšy čas toje ž samaje adbudziecca i z harodninaj. Tolki na dniach na miažy spynili 100 mašyn ź jabłykami i hrušami naohuł biez dakumientaŭ. Čystaja kantrabanda. Pramy ŭdar pa finansavych intaresach siamji Łukašenki».
(Telehram-kanał «Kampramat Biełaruś»)
***
«Łukašenka svaimi rezkimi zajavami («pastavim na ramont naftapravody») robić padarunak Rasii.
Rasijskija ŭłady daŭno tačyli zub na kvotu 24 miljony ton nafty na hod, jakija abaviazalisia pastaŭlać u Biełaruś. 6-7 młn ź ich idzie na ŭnutrany rynak, a 17-18 młn biełaruski bok pierapracoŭvaje i pradaje za valutu. Ale ciapier, kali ŭžo Baćka pahražaje rasijskamu tranzitu, možna viarnucca da hetaj temy. A kali Łukašenku pazbavić hetaj karmuški, to kaniec i siamiejnamu biznesu, i ekanomicy krainy.
Prezident Biełarusi daŭ vydatny arhumient dla rasiejcaŭ pa Paŭnočnym patoku-2. Pahladzicie, jakija padstupnyja u nas tranzitnyja krainy.
Heta abvastreńnie dazvolić pryniać sistemnyja miery pa baraćbie z kantrabandaj i sankcyjnaj pradukcyjaj, pieršyja elemienty jakoj užo byli ŭviedzieny ŭ dziejańnie i vyklikali rezkuju reakcyju».
(Telehram-kanał «Biełaruski hambit»)
***
«Chacia Łukašenka nie pierajšoŭ rubiež, kali drennymi stanoviacca nie tolki bajary, jakija «vykručvajuć ruki», ale i car, jaki «adkazvaje złom na dabro», jon užo na niebiaśpiečnaj adlehłaści ad jaho. Jość adčuvańnie, što niekatoryja siły ŭ Rasii tolki i čakajuć, kali prezident Biełarusi «piarojdzie rysu». I voś tady…»
(Telehram-kanał «Uschodniaje prytvorstva»)
***
«Krynica kaža, što Maskva «z razumieńniem stavicca» da isteryki Łukašenki. Siamja pazbaŭlajecca dachodaŭ pa «čornaj kantrabandzie». Čystka «čornych dzirak» Babičam praciahniecca. Darečy, Maskva dała adkaz na abrazu pasła — tonki chod i balučy ŭdar. Łukašenka budzie hulać pa praviłach Maskvy. Napieradzie nas čakaje «čystka rasijskich siabroŭ Siamji».
(Telehram-kanał «Niazyhar»)
***
«Čarhovy paliŭ u aburalnym tonie z boku Łukašenki na adras rasiejcaŭ stavić pytańnie pra toje, čaho varta MZS RF. Prahłynuli abrazu pasła Rasii — atrymali abrazu usioj krainy i jaje kiraŭnictva. Jakaja nastupnaja stadyja i navošta naohuł nam takaja dypłamatyja?»
(Telehram-kanał «Pierajemnik»)
***
«Hoša, ty spytaj u Mazyrskaha NPZ i Naftana, što pa čym udaryć. Hetyja pradpryjemstvy spažyvajuć da 40% taho, što ciače pa trubie «Družba». I jany ŭ daŭhach. Na Mazyrskim zavodzie ŭ minułym hodzie prybytak amal u 40 razoŭ ŭpaŭ. A ŭ Rasiei ŭsio narmalna z marskimi pieravozkami nafty».
(Telehram-kanał «Trykataž»)
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary