Statkievič: Zarehistravanaja apazicyja nikoli nie abiare Sieviarynca kandydatam, skažuć, što jon hamafob, što na jaho hrošaj nie daduć

Kiraŭnik Biełaruskaha nacyjanalnaha kanhresu (BNK) Mikoła Statkievič patłumačyŭ, čamu nie ŭdzielničaje ŭ pracedury abrańnia adzinaha kandydata na prezidenckija vybary — 2020. Šeść apazicyjnych partyj damovilisia miž saboj, što vyznačać adzinaha.

Pavialičyć

«BNK vyznačyŭsia sa svaim kandydatam jašče hod tamu, — kaža Statkievič. — Im budu ja. Udzielničać u vyznačeńni adzinaha z apazicyjaj, jakaja zarehistravanaja Łukašenkam, nu prabačcie. Rabić tak — nastupać na adny i tyja ž hrabli, my i tak užo dvojčy na ich nastupali. Upieršyniu, kali naprykancy 2015 hoda stvaraŭsia BNK i my prapanoŭvali ŭsim siłam pracavać razam.

Druhi raz — śviatkavańnie 100-hodździa BNR, kali niekatoryja lidary partyj pabiehli ŭ Minharvykankam da drobnych čynoŭnikaŭ, kab dazvolili kancert, u vyniku čaho źlili palityčny składnik śviatkavańnia. Kab nie pabiehli, to ŭ nas byli by i mitynh, i kancert».

«Ja nie kažu kančatkovaje «nie». Tym bolš, što ja vykazvaju tolki svaju ŭłasnuju pazicyju, na BNK my jaje jaje jašče budziem abmiarkoŭvać. Ale pasłuchajcie, ja zaklikaŭ sabracca ludziej 6 kastryčnika na akcyju ŭ abaronu niezaležnaści. Nibyta i pahadžalisia spačatku: tak-tak, pryjdziem. A ŭ vyniku ci byŭ chto? Pravacentrysckaja kaalicyja kaža: tam byŭ naš pradstaŭnik. Tak, Sieviaryniec pryjšoŭ, a dzie byli ŭsie astatnija?

Kažu jak jość: kali kandydatam budzie Sieviaryniec, to my hatovyja supracoŭničać, hatovyja kaardynavać svaju dziejnaść. U vypadku admovy ŭ rehistracyi kandydata ad BNK hatovyja padtrymać Sieviarynca. Ale, aproč Sieviarynca, tam niama ludziej, jakija hatovyja ryzykavać, a biez hetaha ŭdzielničać u vybarach biessensoŭna.

Pravacentrysckaja kaalicyja ŭžo hod kaža pra prajmieryz, ale nie pravodzić ich. A čamu? Bo Sieviaryniec, pry ŭsich jaho minusach, stvaraje infarmacyjnyja nahody, stvaraje padziei. Ludzi jaho padtrymlivajuć, i ja nie pra bližejšaje atačeńnie, a pra ludziej, što vychodziać na vulicy pa jaho zaklikach.

Ja ŭpeŭnieny, što ciapier buduć sprabavać abrać adzinym samaha słaboha kandydata, ale nie Sieviarynca. Buduć kazać, što na jaho hrošy nie znojducca, što jon hamafob… Znojduć tysiaču pryčyn. Šmat u čym ja ŭpeŭnieny ŭ niesamastojnaści hetych arhanizacyj, šmat što kaža, što jany znachodziacca ŭ zaležnaści ad uładaŭ. Dy što kazać, pakul ja siadzieŭ u turmie, jany nie praviali nivodnaj akcyi ŭ centry Minska!

Było b mocna, kab ad zarehistravanaj apazicyi kandydatam byŭ by Sieviaryniec, my b ź im parazumielisia. Ja daŭno kažu, što sapraŭdnaja apazicyja sabrałasia ŭ BNK, za vyklučeńniem Sieviarynca».

• 0
• 0
• 0
• 0
• 0
• 0
• 0
• 0