Łukašenka pra adnosiny z ZŠA: Pieryjad choładu skončyŭsia
Pieryjad choładu ŭ biełaruska-amierykanskich adnosinach skončyŭsia. Pra heta Alaksandr Łukašenka zajaviŭ siońnia žurnalistam u čas naviedvańnia Dobrušskaj papiarovaj fabryki «Hieroj pracy», pieradaje BIEŁTA.
Nahadajem, što 1 lutaha Minsk naviedaŭ dziaržsakratar ZŠA Majk Pampiea.
«Ja nie skažu (ščyra adznaču), što amierykancy ŭ nas takija ŭžo vialikija siabry. Ale pieryjad voś hetaha choładu, kali my hladzieli adzin na adnaho praź niejkuju ambrazuru, žalezabietonnuju toŭstuju ścienku, skončyŭsia. I nikomu nie treba ŭ hetym kirunku stahnać, pieražyvać i hałasić. My naładžvajem adnosiny z najvialikšaj impieryjaj — viadučaj krainaj śvietu», — zajaviŭ Łukašenka.
«U Rasii zaniepakoilisia. A što, my bolš zrabili z Amierykaj, čym Rasija? Vy pahladzicie: jany «ŭzasos» ź imi imknucca pacałavacca. Nie atrymlivajecca, praŭda. My što, pieražyvajem? My radujemsia za ich, kali jany abdymajucca i całujucca. Tut ceły niejki skandał padniali: ach, pryjechaŭ dziaržsakratar! — adznačyŭ Łukašenka. — Tak, pryjechaŭ. I ja nie chavaŭ, ja vam namiaknuŭ, što ŭ nas zavočna daŭnija adnosiny. Kali rassakrecić ŭsie materyjały, to śviet nam apładziravać budzie. My z Pampiea, kali jon byŭ dyrektaram CRU, viali tut najsurjoźniejšyja apieracyi. Jany da nas źviartalisia, davali nam infarmacyju. My zatrymlivali tut ź jadziernymi materyjałami na miažy ludziej. I bieź ich zatrymlivali. A ŭ ich heta pytańnie numar adzin».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary