Pasoł Rasii ŭ Biełarusi Dźmitryj Mieziencaŭ prakamientavaŭ «Našaj Nivie» incydent z pafarbavanymi ŭ čyrvony koler rukami pomniku Alaksandru Puškinu. A taksama raskazaŭ, jakoje pakarańnie bačyć dla zatrymanaha pa spravie maładafrontaŭca Pilipa Šaŭrova.
«Ja dumaju, što publičnaje asudžeńnie hetaha ŭčynku ŭ asiarodździ litarataraŭ, piśmieńnikaŭ, intelihientnych ludziej, jakimi słavicca Biełaruś, pavinna być samym vialikim pakarańniem dla hetaha čałavieka.
Kaniečnie, heta chulihanstva, i pravaachoŭnym orhanam Biełarusi rašać, jakim pavinna być pakarańnie. Ale ja nie sudździa, što pracuje na biełaruskaj ziamli.
Ja sa ździŭleńniem daviedaŭsia pra hety vypadak. Toje, što heta nie intelihientny ŭčynak — absalutna dakładna. Toj padtekst, jaki mieŭ na ŭvazie hety małady čałaviek, nijak nie budzie padtrymany biełaruskim hramadstvam.
Hramadskaje niepryznańnie i adsutnaść padtrymki — najlepšaja acenka, jakim śpiełym, mudrym i intelihientnym źjaŭlajecca biełaruskaje hramadstva», — skazaŭ Dźmitryj Mieziencaŭ.
25-hadovy maładafrontaviec Pilip Šaŭroŭ zdaŭsia milicyi 19 studzienia. Ciapier jon znachodzicca ŭ SIZA na Vaładarskaha, suprać jaho zaviedzienaja kryminalnaja sprava pa artykule «Chulihanstva».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary