Pra heta jon zajaviŭ siońnia na pasiadžeńni abłasnoha štaba pa karanavirusie ŭ Viciebskaj vobłaści, piša BiełTA.
«Samy hałoŭny pakazčyk — heta śmiarotnaść. U Viciebskaj vobłaści, jakaja ŭ nas siońnia nie lepšaja, za sutki pamierli dva, za minułyja — nul. Popyt budzie, pierš za ŭsio, za zachavanaść žyćcia, — padkreśliŭ Alaksandr Łukašenka. — Ja chaču, kab usie pačuli: hałoŭnaje — zachavać žyćcio čałavieku. Usio astatniaje druharadnaje: chopić sizaŭ, nie chopić, buduć leki, nie buduć. Bieź lekaŭ vyratavali čałavieka — dziakuj. Ź lekami vyratavali — taksama dziakuj. Ale zahinuŭ čałaviek — za kožnaha adkažacie. Voś što samaje hałoŭnaje — zachavać žyćcio čałavieka».
Jon taksama adznačyŭ, što hłyboka pahružany ŭ pytańni baraćby z karanavirusam. I siońnia ŭ jaho niama pretenzij ni da ministra achovy zdaroŭja, ni da hubiernataraŭ, ni da členaŭ štaba.
Pa stanie na 3 śniežnia, pavodle źviestak Minzdarojaŭ, za ŭvieś čas (ad sakavika) pamior 1181 čałaviek.
Kamientary