«Ja nie prašu, a patrabuju apraŭdańnia i vyzvaleńnia dla siabie i maich kaleh». Apošniaje słova žurnalistki Kaciaryny Andrejevaj
Apošniaje słova na sudzie žurnalistki «Biełsata» Kaciaryny Andrejevaj, jakaja viała strym z płoščy Pieramien 15 listapada.
«Mnie 27 hadoŭ, 6 ź ich ja pryśviaciła ŭlubionaj prafiesii — žurnalistycy.
Minułym letam ja pieratvaryłasia ŭ reparciora z haračaj kropki. Štoraz, kali ja pracavała, ja ryzykavała nie tolki svajoj svabodaj, ale i zdaroŭjem, žyćciom. U mianie atrymlivałasia ŭvaročvacca ad humavych kul i praciahvać vieści repartaž, praciahvać vykonvać svaje prafiesijnyja abaviazki.
Maim kaleham paščaściła mienš. Ich bili ŭ žyvot, im łamali nasy, u ich stralali ź niekalkich mietraŭ.
15 listapada ludzi, uzrušanyja zabojstvam Ramana Bandarenki, vyjšli, kab vykazać svoj pratest. Ja pakazvała hetyja padziei na płoščy Pieramien u žyvym efiry telekanała «Biełsat». Za heta mianie kinuli za kraty pavodle prydumanaha, sfabrykavanaha abvinavačvańnia.
Ja nie prašu, a patrabuju apraŭdańnia i vyzvaleńnia dla siabie i maich kaleh. Svabodu Darji Čulcovaj, svabodu Kaciarynie Barysievič, svabodu Iharu Łosiku, Ale Šarko, Julii Słuckaj i astatnim sotniam palityčnych źniavolenych».
***
Prakuror patrabuje asudzić Kaciarynu Andrejevu i Darju Čulcovu na dva hady kałonii. Prysud budzie vyniesieny ŭ čaćvier a 10-j ranicy ŭ sudzie Frunzienskaha rajona Minska.
Prakuror zapatrabavała dla Kaciaryny Andrejevaj i Darji Čulcovaj pa 2 hady pazbaŭleńnia voli
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu139139
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu139
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary