ES pastavić vakcyny ad karanavirusa krainam «Uschodniaha partniorstva», ale nie Biełarusi: Minsk pieramovy nie viadzie
Jeŭrasajuz maje namier pastavić krainam «Uschodniaha partniorstva» kala 1 młn doz vakcyny ad karanavirusa. Adnak Biełarusi ŭ hetym śpisie niama. Pra heta polskamu ahienctvu PAP raspavioŭ jeŭrakamisar u pytańniach dobrasusiedstva i pašyreńnia Olivier Varchieli, piša Tut.by.
Pa słovach jeŭrakamisara, vakcyny ŭ pieršuju čarhu pojduć tym, chto pracuje ŭ śfiery achovy zdaroŭja.
— Havorka idzie ab 530 tysiačach miedycynskich rabotnikaŭ u krainach «Uschodniaha partniorstva» [u inicyjatyvu ŭvachodziać Azierbajdžan, Armienija, Biełaruś, Hruzija, Małdova, Ukraina]. Nam daviadziecca dać im dźvie dozy, tamu lohka paličyć, što heta bolš za 1 miljon doz, — skazaŭ Varchieli.
Pavodle jaho słoŭ, pastaŭki pakul tarmoziacca z-za zatrymki pastavak u ES vakcyny ad kampanii AstraZeneca.
Na pytańnie, ci jość mahčymaść padtrymać Biełaruś u pytańni pastavak preparatu, jon adkazaŭ, što Jeŭrakamisija ŭ ciapierašni čas nie kantaktuje z aficyjnym Minskam.
— Było b składana dastavić vakcynu ŭ Biełaruś, tamu što ŭrad u Minsku ciapier nie viadzie z nami pieramovaŭ, — adznačyŭ jon.
U inicyjatyvu «Uschodniaje partniorstva» ŭvachodziać Armienija, Azierbajdžan, Biełaruś, Hruzija, Małdova i Ukraina.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha31
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu130130
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu130
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary