Jak u Napaleona: ukrainski fiermier pabudavaŭ sabie maŭzalej za $3 miljony FOTY
Fiermier źbirajecca dazvolić ekskursii ŭ svajoj pachavalni, kali jon užo budzie ŭ rai, paviedamlaje hramadskaje telebačańnie Ukrainy.
Hienieralny dyrektar ahrapradpryjemstva «Ziamla i vola» ź siała Babrovicy Čarnihaŭskaj vobłaści Leanid Jakavišyn vyrašyŭ uviekaviečyć pamiać ab svajoj asobie, pabudavaŭšy sabie maŭzalej.
82-hadovy Jakavišyn na budaŭnictva pachavalni patraciŭ 10 hadoŭ i 3 młn dalaraŭ.
Maŭzalej pierabudavali z byłoha sielskaha Doma kultury. Padłohu i kałony tam ciapier zroblenyja z marmuru. Unutry raźmieščany čatyry hipsavyja skulptury, jakija adlustroŭvajuć Jakavišyna va ŭzroście 20, 40, 60 i 80 hadoŭ. Statui i stol pakrytyja susalnym zołatam. Budynak taksama ŭpryhožvajuć kopii vitražoŭ ź niamieckaha chrama, jakomu 600 hadoŭ.
A ŭ centry zały — žamčužyna maŭzaleja, 23-tonny sarkafah, koštam $150 tysiač.
Fiermier vyrašyŭ, što jaho pachavajuć u takim samym sarkafahu, jak pastavili dla Napaleona ŭ Domie invalidaŭ u Paryžy.
Jakavišyn raspavioŭ žurnalistam, što maŭzalej budzie adkryty dla naviedvalnikaŭ štodnia z 10-j da 17-j hadziny, akramia vychadnych. Ale «heta kali ja ŭžo budu ŭ rai», dadaŭ jon.
Kamientary