Nacbank: Prypynieńnie kredytavańnia fizasob u valucie dazvolić źnizić ryzyki

Prypynieńnie kredytavańnia fizičnych asob u zamiežnaj valucie dazvolić źnizić ryzyki jak dla bankaŭ (u vypadku niesvoječasovaha pahašeńnia abo nieviartańnia kredytu), tak i dla nasielnictva, ličać u Nacyjanalnym banku Biełarusi.

Jak raniej paviedamlałasia, vydača kredytaŭ u zamiežnaj valucie fizičnym asobam, za vyklučeńniem indyvidualnych pradprymalnikaŭ, prypyniajecca da 1 studzienia 2011 hoda. Takaja norma ŭvodzicca pastanovaj praŭleńnia Nacbanka ad 14 lipienia 2009 hoda № 105 «Ab uniasieńni dapaŭnieńniaŭ i źmianieńniaŭ u Instrukcyju ab paradku davańnia (raźmiaščeńnia) bankami hrašovych srodkaŭ u formie kredytu i ich viartańnia ad 30 śniežnia 2003 h. № 226».

«Uličvajučy, što hramadzianie našaj krainy atrymlivajuć zarabotnuju płatu ŭ biełaruskich rublach, a taksama mahčymyja vahańni ŭzajemnych kursaŭ zamiežnych valut na addalenuju pierśpiektyvu,

kredytavańnie nasielnictva ŭ zamiežnaj valucie ŭtrymlivaje vysokuju valutnuju ryzyku i ryzyku niepahašeńnia takich kredytaŭ u vypadku pavieličeńnia sum płaciažoŭ pa ich da pamieraŭ, jakija pieravyšajuć dachody kredytaatrymalnika», — havorycca ŭ paviedamleńni praŭleńnia infarmacyi Nacbanka.

Akramia taho, Nacbank ličyć adnym z najvažniejšych kirunkaŭ pracy pa dedałaryzacyi ekanomiki admovu ad raźlikaŭ u zamiežnaj valucie pamiž rezidentami na terytoryi Biełarusi. «Heta budzie spryjać abaronie i zabieśpiačeńniu ŭstojlivaści biełaruskaha rubla, u tym liku jaho pakupnoj zdolnaści i kursa ŭ adnosinach da zamiežnych valut, a taksama ŭzmacnieńniu davieru da nacyjanalnaj valuty», — ličać u hałoŭnym banku krainy.

Uličvajučy jak stanoŭčyja, tak i admoŭnyja baki ŭviadzieńnia abmiežavańniaŭ na vykarystańnie zamiežnaj valuty pry kredytavańni fizičnych asob, Nacbank tłumačyć, što hetaja norma maje časovy charaktar, budzie dziejničać da momantu stabilizacyi situacyi ŭ ekanomicy krainy.

Časovaja zabarona na vydaču fizičnym asobam, za vyklučeńniem indyvidualnych pradprymalnikaŭ, valutnych kredytaŭ nabyvaje moc paśla aficyjnaha apublikavańnia pastanovy Nacbanka № 105 ad 14 lipienia.

Dziejańnie hetaj normy, tłumačyć Nacbank, nie raspaŭsiudžvajecca na viartańnie (pahašeńnie) kredytaŭ, vydzielenych fizičnym asobam, za vyklučeńniem indyvidualnych pradprymalnikaŭ, u zamiežnaj valucie da ŭvachodžańnia jaje ŭ siłu.

Pry hetym abmiežavańni pry ovierdraftnym kredytavańni nabuduć moc praź miesiac paśla aficyjnaha apublikavańnia pastanovy. Zabarona raspaŭsiudžvajecca na častki (tranšy) kredytaŭ pry ovierdraftnym kredytavańni pa raniej składzienych kredytnych dahavorach i častki (tranšy) kredytaŭ pry kredytavańni pa kredytnych linijach pa raniej składzienych kredytnych dahavorach.

Dźmitry Jarmak, BiełaPAN

• 0
• 0
• 0
• 0
• 0
• 0
• 0
• 0