U Viciebsku ad karanavirusa pamierła 38-hadovaja aktyvistka Julija Barsukova
U žančyny zastalisia muž i dvoje synoŭ.
Julija Barsukova zachvareła ŭ kancy kastryčnika. «Smaku niama, pachu niama, tempieratura źbivajecca tolki da 38,6. Što dalej — miašok?» — pisała jana na svajoj staroncy ŭ fejsbuku 22 kastryčnika, piša «Radyjo Svaboda».
«My ź joj aktyŭna pierapisvalisia apošnim časam. Jana mnie dasyłała paviedamleńni, što joj vielmi błaha, što jana ŭsia haryć, što tempieratura skača da 40 hradusaŭ. Nakolki ja viedaju, jana vyklikała «chutkuju», ale taja jechała vielmi doŭha, 8 hadzin», — patłumačyŭ błohier-fiermier z Homielskaha rajona Juryj Hancevič.
U kamientarach da svajho dopisu Julija skardziłasia, što nie jedzie «chutkaja»: «Ja zrazumieła, jany chočuć mianie zabić».
Julija Barsukova atrymała viadomaść ad pačatku pratestaŭ, ź viasny 2020 hoda. Jana była aktyvistkaj i administratarkaj roznych hrup. Jaje zatrymlivała milicyja, u kvatery adbyvalisia pieratrusy, a sudy davali štrafy.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej24
Kamientary