Za minułyja vychadnyja ŭ Biełarusi ŭ DTZ zahinuła vosiem čałaviek, u tym liku adno dzicia, paviedamili va Upraŭleńni DAI MUS.
U Vaŭkavysku 31‑hadovy miascovy žychar, kirujučy aŭtamašynaj «Mazda», učyniŭ najezd na trochhadovaha chłopčyka, jaki ad atrymanych traŭm pamior u balnicy.
25 lipienia ŭ Lidskim rajonie kala dźviuch hadzin nočy 26‑hadovy vadziciel, kirujučy aŭtamabilem «Nisan», učyniŭ najezd na dvuch viełasipiedystaŭ (mužčynu i žančynu), jakija ruchalisia pa pravym krai prajeznaj častki. Ad atrymanych ranieńniaŭ abodva viełasipiedysty pamierli na miescy DTZ.
26 lipienia na aŭtadarozie Minsk — Mikaševičy ŭ 11.25 30‑hadovy vadziciel «Volva», ruchajučysia z boku Salihorska ŭ bok Słucka, pry vykanańni abhonu vyjechaŭ na pałasu sustrečnaha ruchu i sutyknuŭsia z matacykłam «Jamacha», jakim kiravaŭ 33‑hadovy mužčyna. U vyniku sutyknieńnia abodva vadzicieli pamierli na miescy, a pasažyry «Volva» — žonka vadziciela i adnahadovy syn — byli špitalizavanyja. Dzicia pieravoziłasia bieź śpiecyjalnaj pryłady.
Pavodle źviestak Suśvietnaj arhanizacyj achovy zdaroŭja, vykarystańnie dziciačych aŭtamabilnych kresłaŭ u vypadku DTZ dazvalaje źnizić kolkaść hibieli małych dzietak na 71%, starejšych dziaciej — na 54%.
Usiaho za vychadnyja adbyłosia 48 DTZ, u jakich ranieńni atrymali 54 čałavieki, u tym liku troje dziaciej.
Kamientary