VCIOM: 68% rasijan — za «śpiecyjalnuju vajennuju apieracyju» ŭ Ukrainie
Pavodle farmuloŭki VCIOM, vajnu ŭ Ukrainie 68% rasijan «chutčej padtrymlivajuć», u toj čas jak nie padtrymlivaje kožny piaty apytany (22%), a kožny dziasiaty hramadzianin nie zmoh adkazać (10%).
Pavodle VCIOM, na dumku čverci hramadzian (26%), śpiecyjalnaja vajskovaja apieracyja va Ukrainie maje za metu abaranić ruskamoŭnaje nasielnictva «DNR» i «ŁNR», kožny piaty paviedamiŭ, što meta apieracyi — nie dać raźmiaścić vajskovyja bazy NATA na terytoryi Ukrainy (20%). Takaja ž dola apytanych nibyta miarkuje, što apieracyja pravodzicca dla taho, kab pravieści va Ukrainie demilitaryzacyju (20%). 7% adkazali, što Rasija maje na mecie pravieści denacyfikacyju Ukrainy i źmianić jaje palityčny kurs, 6% — źmianić niepryjazny da Rasii palityčny režym, 4% — padzialić Ukrainu na častki i ŭstalavać svoj upłyŭ na častcy Ukrainy.
Jak stavicca da hetych ličbaŭ? Jak i da lubych inšych, jakija dajuć siońnia rasijskija dziaržaŭnyja ci kaladziaržaŭnyja ŚMI ci ŭstanovy.
Naŭrad ci ŭ siońniašniaj Rasii dziaržaŭnaja struktura choča i moža pravodzić abjektyŭnaje sacyjałahičnaje daśledavańnie na temu, nadzvyčaj važnuju dla režymu. Heta kudy bolš prapahanda, čym navuka.
Ale adna ličba ŭsio ž cikavaja. Navat pa źviestkach zaanhažavanaj dziaržaŭnaj kantory ŭsiaho tolki 7% rasijan vierać u toje, što Ukrainie patrebna «denacyfikacyja». Miž tym jak toje, što ŭ Ukrainie akapalisia nacysty, jakich treba ŭpynić — adzin z aficyjnych tezisaŭ rasijskaj ułady, jakim jany arhumientavali nieabchodnaść uvarvańnia. Dy navat siońnia patrabavańnie «denacyfikacyi» kožny dzień hučyć u aficyjnaj rytorycy rasijskich uładaŭ, u tym liku padčas padrychtoŭki pieramoŭ na rasijska-biełaruskaj miažy.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary