Stołtenbierh: Rasija rychtuje novy nastup va Ukrainie. A NATA budzie pastaŭlać zbroju stolki, kolki treba
Rasijskija vojski va Ukrainie nie advodziacca, a ździajśniajuć pierahrupoŭku, zajaviŭ u čaćvier hienieralny sakratar NATO Jens Stołtenbierh, kamientujučy zajavy Maskvy ab «kardynalnym źnižeńni intensiŭnaści bajavych dziejańniaŭ» na kijeŭskim i čarnihaŭskim kirunkach.
Pa słovach Stołtenbierha, aljans pakul nie ŭpeŭnienny, što Rasija viała sumlennyja pieramovy ŭ Stambule, pakolki vajennyja zadačy Maskvy z pačatku ŭvarvańnia va Ukrainu nie źmianilisia.
Paśla zakančeńnia rasijska-ŭkrainskich pieramovaŭ u Stambule pradstaŭnik ministerstva abarony RF zajaviŭ pra kardynalnaje źnižeńnie intensiŭnaści bajavych dziejańniaŭ na kijeŭskim i čarnihaŭskim kirunkach.
«Pavodle źviestak našaj raźviedki, rasijskija padraździaleńni nie advodziacca, jany pieramiaščajucca na novyja pazicyi. Rasija sprabuje pierahrupavać ich, uzmacnić i pieraŭzbroić dla nastupu ŭ Danbasie», — skazaŭ Stołtenberh, vystupajučy pierad žurnalistami ŭ Brusieli.
«U toj ža čas Rasija praciahvaje akazvać cisk na Kijeŭ i inšyja harady. Tak što my čakajem novych nastupalnych apieracyj, jakija pryniasuć jašče bolš pakut [ukrainskamu narodu]».
«My nie bačym sapraŭdnych pieramienaŭ u rasijskich zadačach… Jany praciahvajuć damahacca ažyćciaŭleńnia svaich metaŭ vajennym sposabam», — padkreśliŭ hienieralny sakratar NATA.
Jon dadaŭ, što sajuźniki pa NATA praciahnuć pastaŭlać zbroju Ukrainie nastolki doŭha, nakolki spatrebicca.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać33
Kamientary