Pavodle ekzit-połaŭ, ciapierašni prezident Francyi Emaniuel Makron apiaredžvaje svaju hałoŭnuju kankurentku z ultrapravaj partyi Narodny front Maryn Le Pen amal na 5%. Jak paviedamlaje Figaro, ekzit-poł, praviedzieny Ifop-Fiducial, śviedčyć, što Emaniuel Makron atrymaŭ 28,6% hałasoŭ u pieršym tury, a Le Pen — 23,9%.
Amal uščylnuju da Le Pen nabliziŭsia ultralevy kandydat ad «Niaskoranaj Francyi» Žan-Luk Miełanšon — ekzit-poł daje jamu 20,2%. Zatoje vynik pryjaznaha da Pucina ultrapravaha kandydata Eryka Ziemura akazaŭsia skandalna nizkim — palityk, jaki doŭhi čas pretendavaŭ na vychad u druhi tur, nabraŭ tolki 6,8%.
Napiaredadni zaviaršeńnia hałasavańnia bielhijskija ŚMI apublikavali skandalnyja źviestki ekzit-połaŭ. Zvyčajna ŭ Bielhii hetyja dadzienyja publikujuć raniej — bo ŭ Francyi dadzienyja ekzit-połaŭ možna apublikavać tolki paśla zakryćcia učastkaŭ.
Apublikavanyja dadzienyja śviedčyli, što Makron i Le Pien pavinny byli atrymać adnolkavuju kolkaść hałasoŭ — pa 24%.
Papiaredniaje apytańnie prahnazavała Makronu ŭ druhim tury pieramohu nad Le Pen z pakazčykam 53% suprać 47%. Prytym pavodle hetaha samaha apytańnia ŭ pieršym tury Makron pavinien byŭ atrymać 28%, a Le Pen — 23%.
Kamientary