MVF: Dziaržaŭnaje ŭmiašańnie ŭ ekanomiku treba skaracić

Mižnarodny valutny fond zajaŭlaje pra nieabchodnaść «značna skaracić dziaržaŭnaje ŭmiašańnie ŭ ekanomiku Biełarusi».

Pra heta havorycca ŭ abnarodavanaj fondam 28 žniŭnia zaklučnaj zapiscy misii MVF, jakaja ŭ kancy žniŭnia pravodziła ŭ Minsku kansultacyi pa artykule IV statuta fondu.

U MVF taksama zajaŭlajuć pra nieabchodnaść skaracić da minimumu cenavy kantrol,

Ekśpierty fondu taksama ličać nieabchodnym pravieści libieralizacyju zarabotnaj płaty,

MVF taksama prapanoŭvaje biełaruskim uładam admovicca ad ustanaŭleńnia abaviazkovych dla vykanańnia kolkasnych metavych pakazčykaŭ na makraekanamičnym uzroŭni i ŭzroŭni pradpryjemstvaŭ, «bo kiravać usio bolš składanaj ekanomikaj pry dapamozie centralnaha płanavańnia stanovicca ŭsio ciažej».

Bankaŭskaj sistemie varta dazvolić prymać rašeńni ab kredytavańni, zychodziačy z rentabielnaści i ryzykaŭ prajektaŭ, a nie brać pad uvahu ŭkazańni abo rekamiendacyi ŭrada, padkreślivajuć ekśpierty fondu.

U MVF zaznačajuć, što źjaŭleńnie ŭ Biełarusi mocnaha pryvatnaha siektara taksama budzie nadzvyčaj karysnym dla rostu pradukcyjnaści. «Varta spraścić umovy dla stvareńnia novych pryvatnych pradpryjemstvaŭ, bo vopyt inšych krain pakazvaje, što stvaranyja pryvatnym siektaram pracoŭnyja miescy mohuć zabiaśpiečyć zaniataść rabotnikaŭ, jakich zvalniajuć u vyniku refarmavańnia dziaržaŭnych pradpryjemstvaŭ. Novyja pradpryjemstvy mohuć być stvoranyja za košt adździaleńnia častak najaŭnych dziaržaŭnych pradpryjemstvaŭ», — havorycca ŭ dakumiencie.

U suviazi z hetym u MVF rekamiendujuć i nadalej skaračać rehulatyŭnuju nahruzku na pryvatny siektar i dapuskać bolš vysokuju stupień hibkaści va ŭstanaŭleńni cen, zarabotnaj płaty i handlovych nadbavak. Zaznačajecca, što pašyreńniu pryvatnaha siektara budzie sadziejničać refarmavańnie finansavaha siektara, što dapamoža pašyryć dostup pryvatnaha siektara da kredytnych resursaŭ. Hetyja pieravahi mohuć być uzmocnienyja za košt udziełu zamiežnych inviestaraŭ.

U MVF taksama čakajuć, što «ambicyjnaja i prazrystaja prahrama pryvatyzacyi, jakaja budzie adkryta dla zamiežnych inviestaraŭ», dapamoža pryciahnuć u Biełaruś kapitał, technałohii i navyki ŭ śfiery kiravańnia i markietynhu.

U spałučeńni z vysokaj jakaściu i bolš efiektyŭnaj matyvacyjaj pracoŭnych resursaŭ heta abiacaje istotna pavysić sukupnuju pradukcyjnaść faktaraŭ vytvorčaści. Zamiežnyja inviestycyi taksama mohuć dapamahčy dyviersifikavać vytvorčuju bazu i ekspartnyja rynki Biełarusi i raspaŭsiudzić dobruju praktyku viadzieńnia biźniesu na astatniuju častku ekanomiki.

Dla pryciahnieńnia jak zamiežnych, hetak i ajčynnych inviestaraŭ umovy, što ŭstanaŭlivajucca dla novych inviestycyj, u tym liku i patrabavańnie ab zachavańni najaŭnaj kolkaści rabotnikaŭ i sietki zarabotnaj płaty, nieabchodna skaracić, padkreślivajecca ŭ dakumiencie. U MVF raźličvajuć, što praces pryciahnieńnia inviestaraŭ budzie stymulavany paśla pryniaćcia sučasnaha zakona ab pryvatyzacyi i stvareńnia ahienctva pa pryvatyzacyi, upaŭnavažanaha ažyćciaŭlać padrychtoŭku pradpryjemstvaŭ da pryvatyzacyi, jakoje maje prava najmać prafiesijanałaŭ na rynku dla padtrymańnia hetaha pracesu.

«Pryvatyzacyja niekalkich pradpryjemstvaŭ šlacham adkrytaha prazrystaha i kankurentnaha tendera ŭ pačatku nastupnaha hoda dapamahła b prademanstravać ćviordaść namieraŭ urada i sadziejničała b raźvićciu patencyjału», — padkreślivajuć ekśpierty MVF.

• 0
• 0
• 0
• 0
• 0
• 0
• 0
• 0