Pasła Ukrainy ŭ Hiermanii, jaki nie padbiraje vyrazy, moža čakać pavyšeńnie
Pasoł Ukrainy ŭ Hiermanii Andrej Mielnik, jaki prasłaviŭsia svaimi rezkimi i časta skandalnymi vykazvańniami, nieŭzabavie moža być adklikany ŭ Kijeŭ, paviedamlaje vydańnie Bild sa spasyłkaj na krynicy. Ale nie ŭ jakaści pakarańnia, a na pavyšeńnie.
Pa infarmacyi surazmoŭcaŭ haziety, Mielnik budzie pryznačany namieśnikam kiraŭnika MZS Ukrainy.
«Hetaja prapanova była zroblena Ministerstvam prezidentu Ukrainy. Andreja Mielnika vielmi ceniać za jahonuju pracu», — udakładniła krynica vydańnia va ŭradzie Ukrainy.
Miarkujecca, što Mielnik, jaki ŭžo vosiem hadoŭ pracuje ŭ Bierlinie ŭkrainskim ambasadaram, moža pierajechać u Kijeŭ jašče da vosieni.
Padčas vykanańnia svaich abaviazkaŭ, asabliva ŭ apošnija miesiacy, kali pačałasia vajna, Mielnik časta vykazvajecca vielmi niedypłamatyčna, u tym liku ŭ dačynieńni da samych vysokich asob krainy, u jakoj jon pradstaŭlaje svaju. Tak, kanclera Hiermanii Ołafa Šolca jon u pačatku maja nazvaŭ «pakryŭdžanaj liviernaj kaŭbasoj» u adkaz na jahonaje niežadańnie jechać u Kijeŭ z-za taho, što pierad tym tam admovilisia pryniać fiederalnaha prezidenta Hiermanii Franka-Valtera Štajnmajera. A dniami Mielnik pramym tekstam pasłaŭ da djabła niamieckich intelektuałaŭ, jakija vystupili z adkrytym listom, u jakim pisali pra nieabchodnaść spynieńnia padtrymki Ukrainy i zamireńnia z Pucinym.
U mirnyja časy takaja biescyrymonnaść z boku dypłamatyčnaha pradstaŭnika, vidać, pryvodziła b da notaŭ pratestu i demaršaŭ, ale vajenny čas usio śpisvaje. Praŭda, u Šolca jon źbiraŭsia paprasić prabačeńnia.
Čytajcie taksama:
«Idzicie da djabła»: Ukrainski dypłamat niedypłamatyčna vykazaŭsia na adras niamieckich intelektuałaŭ, jakija zaklikajuć spynić padtrymku Ukrainy
Pasoł Ukrainy ŭ Hiermanii źbirajecca prasić prabačeńnia pierad kancleram Šolcam za paraŭnańnie ź liviernaj kaŭbasoj
Pasoł Ukrainy ŭ Hiermanii nazvaŭ kanclera Šolca «pakryŭdžanaj liviernaj kaŭbasoj»
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary