Kancern «Biełnaftachim» aficyjna paviedamiŭ, što pavyšeńnia cenaŭ na zapraŭkach «Biełarusnafty» nie było. Adpaviednaja zajava apublikavanaja ŭ telehram-kanale «Naftachimija».
«U suviazi z pastupajučymi pytańniami aŭtamabilistaŭ ab źmianieńni na AZS «Biełarusnafta» cany na aŭtamabilny bienzin AI-98 — K5, kancern «Biełnaftachim» paviedamlaje, što subjekty haspadarańnia z ulikam vynikaŭ ich dziejnaści, realizavanaj stratehii prodažaŭ i prahram łajalnaści mohuć realizoŭvać matornaje paliva pa cenach, nižejšych za hraničnyja maksimalnyja ceny, ustanoŭlenyja kancernam «Biełnaftachim», — havorycca ŭ paviedamleńni.
Jak paviedamlaje telehram-kanał,
z 21 vieraśnia biahučaha hoda na infarmacyjnych stełach AZS «Biełarusnafta» była pakazanaja limitnaja maksimalnaja cana na aŭtamabilny bienzin AI-98-K5, jakaja nie źmianiałasia z 28 červienia 2022 hoda.
U toj ža čas raniej paviedamlałasia, što na zapraŭkach «Biełarusnafty» rezka padaražaŭ bienzin. Padros u canie tolki AI-98, pryčym adrazu na 8 kapiejek. Pry hetym, kali apłacić najaŭnymi abo bankaŭskaj kartaj, košt paliva dla aŭtaŭładalnikaŭ zastavaŭsia raniejšym, ale sa źnižkaj u hetyja samyja 8 kapiejek.
«Sapraŭdy, z 21 vieraśnia hety vid paliva padaražeŭ. Ale pry apłacie najaŭnymi abo bankaŭskaj kartaj pradastaŭlajecca źnižka ŭ pamiery 8 kapiejek za litr AI-98», — kazaŭ apieratar adnoj AZS. Pry hetym kiroŭcy, jakija žadali raspłacicca za bienzin paliŭnaj kartaj, skarystacca źnižkaj nie mahli.
Što heta było, kancern «Biełnaftachim» u svaim kamientaryi, jak bačna, nie rastłumačyŭ.
Čytajcie taksama:
Šylda novaja, a cana staraja. Bienzin AI-98 uvadnačas padaražaŭ ažno na 8 kapiejek, ale jość niuansy
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha27
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu128128
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu128
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary