U vyniku ŭdaru pa humanitarnaj kałonie ŭ Zaparožžy zahinuli 30 čałaviek, paranienyja 88
U vyniku rasijskaha rakietnaha ŭdaru pa cyvilnaj humanitarnaj aŭtakałonie na vyjeździe z Zaparožža zahinuli 30 čałaviek i 88 paranienyja. Pra heta paviedamiŭ kiraŭnik Zaparožskaj vobłaści Ihar Klimienka.
«Siarod zahinułych jość dvoje dziaciej: 11-hadovaja dziaŭčynka i 14-hadovy chłopčyk. Ranieńnie atrymała taksama 3-hadovaja dziaŭčynka», — paviedamiŭ Klimienka.
Pavodle jaho źviestak, taksama jość straty i siarod palicejskich. U pryvatnaści, zahinuŭ 36-hadovy rabotnik miascovaha ŭpraŭleńnia stratehičnych rasśledavańniaŭ, jašče 27 palicejskich Biardzianskaha rajupraŭleńnia atrymali ranieńni, 4 ź ich — u ciažkim stanie.
«Ciapier viadoma, što rasijanie bili pa ludziach madernizavanymi rakietami S-300. Varonki ad hetych madyfikavanych rakiet nie takija hłybokija, ale radyus vybuchnoj chvali našmat bolšy», — paviedamiŭ Klimienka.
Nahadajem, 30 vieraśnia kala 07:00 rasijskija vojski nanieśli rakietnyja ŭdary pa Zaparožžy. Jany vypuścili 16 rakiet, čatyry ź jakich trapili ŭ rajon aŭtarynka i pa cyvilnaj humanitarnaj kałonie na vyjeździe z horada na časova akupavanuju terytoryju. Ludzi, jakija stajali ŭ čarzie, płanavali zabrać svaich svajakoŭ abo advieźci im humanitarnuju dapamohu.
Čytajcie taksama:
U Zaparožžy pad abstreł trapiła humanitarnaja kałona. Pa danych ukrainskich uładaŭ, zahinuli 23 čałavieki
Ranicaj Rasija naniesła rakietny ŭdar pa Zaparožžy
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary