ISW: Pucin zamiest umacavańnia abarony na ŭschodzie Ukrainy zasiarodziŭsia na ŭtrymańni poŭdnia
Jak paviedamlaje Instytut vyvučeńnia vajny, pra heta śviedčyć toje, što ŭzbrojenyja siły Rasii praciahvajuć umacoŭvać svaje pazicyi ŭ Chiersonskaj i Zaparožskaj abłaściach, niahledziačy na abvał linii frontu ŭ Limanie.
U toj ža čas Pucin vydzialaje resursy na niaŭdałyja sproby šturmu ŭžo deakupavanych nasielenych punktaŭ.
«Paraza pad Limanam pakazvaje na toje, što prezident Rasii Uładzimir Pucin pamianšaje pryjarytetnaść abarony Łuhanskaj vobłaści dziela ŭtrymańnia akupavanych terytoryj na poŭdni Ukrainy», — havorycca ŭ paviedamleńnie.
Rašeńnie nie ŭmacoŭvać uraźlivyja linii frontu ŭ Kupiansku ci Limanie amal dakładna było pryniata Pucinym, a nie vajskovym kamandavańniem, i śviedčyć pra toje, što Pucin kłapocicca ab utrymańni stratehična važnych učastkaŭ Chiersonskaj i Zaparožskaj abłaściej značna bolš, čym pra Łuhanskuju vobłaść.
Z-za krytyki i paražeńniaŭ na poli boju Kreml moža rychtavacca da pierastanovak u Minabarony RF.
Taksama ŭ ISW ličać, što Rasija, vierahodna, stavić umovy dla taho, kab uziać na siabie jurydyčnuju adkaznaść za Zaparožskuju AES.
U pryvatnaści, rasijskija ŭłady zatrymali dyrektara ZAES Ihara Murašova. Akupanty chočuć pieradać ZAES pad kantrol «Rasatama» i stvaryć novuju jurydyčnuju asobu dla hetaha.
Vierahodna, RF budzie sprabavać vykarystoŭvać svoj kantrol nad ZAES dla cisku na MAHATE z metaj lehitymizacyi niezakonnaj rasijskaj aneksii akupavanaj ukrainskaj terytoryi šlacham prymusu arhanizacyi pryznać zakonny kantrol Rasii nad ZAES.
Taksama paviedamlajecca, što rasijskija vojski ździejśnili niaŭdałuju naziemnuju ataku na Kazačuju Łopań na poŭnačy Charkaŭskaj vobłaści 1 kastryčnika.
Takija ataki ŭkazvajuć na toje, što Pucin, vierahodna, zachoŭvaje metu adnavić kantrol nad terytoryjaj za miežami abłaściej, jakija jon niezakonna aneksavaŭ, i hatovy vydzialać rasijskija vajskovyja resursy dla takich nastupalnych dziejańniaŭ, zamiest taho, kab vyłučyć ich na abaronu ad ukrainskaha kontrnastupleńnia na Danbasie.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary